Амос 6:5 - Мукъаддес Китап

⁵ Арфада чалып йырлайсыз, Давут киби, чалгъы алетлеринде чалгъанынъызны тюшюнесиз.

Амос 6:5 ပူးပေါင်းရင်းမြစ်များ

Башланув 31:27

Не ичюн сен мени алдатып, манъа бир шей айтмайып, менден гизли къачтынъ? Мен сени зевкъ-сефанен, тюркюлернен, даре ве сантырны чалдырып озгъарыр эдим.

1 Тарих вакъиалары 15:16

Давут левийлилернинъ башлыкъларына, озьлери йырджы къардашларыны чалгъы алетлеринен, арфа, сантыр ве зиллер чалып, къуванч тюркюлерини юксек сеснен йырламагъа къойсун деп, буюрды.

1 Тарих вакъиалары 23:5

4 000 къапуджы олмакъ керек эди, ве 4 000 адам Давут яптыргъан чалгъы алетлеринде чалып, РАББИни шерефлемек керек эди.

2 Тарих вакъиалары 29:26

Левийлилер Давутнынъ чалгъы алетлеринен, руханийлер исе боразанларнен турдылар.

Джемаат башы 2:8

Озюме кумюш, алтын ве виляетлердеки падишаларнынъ къыйметли шейлерини топладым. Озюме йырджыларны ве йырджы къызларны ве инсан огъулларына зевкъ берген гузель харем алдым.

Ешая 5:12

Оларнынъ байрамларында сантыр, арфа, даре ве дюдюк чалыныр, шарап ичилир. Лякин РАББИнинъ ишлерине олар бакъмайлар, Онынъ япкъанларыны корьмейлер.

Ехезкель 26:13

Мен сенинъ шаматалы йырларынъа сонъ къояджагъым, ве сантырларынънынъ сеслери башкъа эшитильмез.

Амос 5:23

Йырлар шаматасыны Менден узакъ тутунъыз, арфаларынъызнынъ сесини динълемейджегим.

Амос 8:3

– О кунь Алланынъ сарайындаки йырлар агълавларгъа айланаджакъ, – дей РАББИ-ТААЛЯ. – О вакъыт чокъ адам ольдюриледжек. Эр бир ерде олюлерни сес-солукъсыз котерип атаджакълар.

1 Пётр 4:3

Кечмиште сизлер Алланы бильмегенлернинъ истегенине коре етерлик арекет эте эдинъиз, озьлеринъиз ахлякъсызлыкъкъа, бозукъ ниетлерге, ичкиджиликке, намуссыз отурышларгъа, эм де арам путперестликке бериле эдинъиз.

Сырларнынъ ачылувы 18:22

Арфа, къавал, боразан чалгъанлар ве йырджыларнынъ сеси энди сенде эшитильмез. Энди усталар ве чешит-тюрлю усталыкълар сенде олмаз, дегирмен давушы да эшитильмез.