Амос 5:24 - Мукъаддес Китап

²⁴ Лякин адалет, сув киби, акъсын, акъикъат да, къурумайджакъ озен киби, олсун.

Амос 5:24 ပူးပေါင်းရင်းမြစ်များ

Икметли сёзлер 21:3

Инсафлы ве адалетли шейлерни япмакъ РАББИнинъ огюнде къурбандан яхшыдыр.

Ешая 48:18

Ах, сен Меним эмирлериме бойсунгъайдынъ! О заман тынчлыкъ-аманлыгъынъ – кениш дерья киби, догърулыгъынъ да – буюк денъиз далгъалары киби олур эди.

Йирмея 22:3

РАББИ бойле айта: Адалетнен ве догърулыкънен арекет этинъиз; джаны агъыргъанларны зорбанынъ къолундан къуртарынъыз; кельмешекнинъ, оксюзнинъ ве тул апайнынъ джаныны агъырттырманъыз, оларгъа акъсызлыкъ этменъиз. Бу ерде къабаатсыз къанны тёкменъиз.

Ехезкель 45:9

РАББИ-ТААЛЯ шойле дей: – Исраиль ёлбашчылары, етер! Зулумлыкъ этмеге ве хорламагъа токътанъыз! Адалетли ве догъру арекет этинъиз. Меним халкъымны топракъларындан къувманъыз, – дей РАББИ-ТААЛЯ.

Хошеа 6:6

Мен къурбанларынъыздан ве бахшышларынъыздан зияде ишанчлы севгинъизден разым, бутюнлей якъыладжакъ къурбанларынъыздан зияде Алланы биледжегинъизни истейим.

Амос 5:23

Йырлар шаматасыны Менден узакъ тутунъыз, арфаларынъызнынъ сесини динълемейджегим.

Амос 5:7

Эй, адалетни зеэрге чевиргенлер, акъикъатны ерге ургъанлар!

Микъа 6:8

Эй, инсан! Эйилик не олгъаны санъа бильдирильди, РАББИ сенден не истегени де хабер этильди: адалетли арекет этмек, мераметни севмек ве Алланънынъ огюнде юваш юрекнен яшамакъ.