Амос 3:14 - Мукъаддес Китап

¹⁴ – Бир кунь Мен Исраильни гуналары ичюн джезалайджагъым, Бет-Эльдеки къурбан ерлери ичюн де джезалайджагъым. Къурбан ерининъ бойнузлары кесиледжек ве ерге тюшеджек.

Амос 3:14 ပူးပေါင်းရင်းမြစ်များ

4 Падишалар 23:15

Бундан да гъайры, падиша Бет-Эльдеки къурбан ерини йыкътырды. Бу ибадет тёпесини Исраильни гуналаргъа батыргъан Неват огълу Еровоам къургъан эди. Эм шу къурбан ерини, эм ибадет тёпесини йыкътырды. Ибадет тёпесини якъып, оны тоз-думан этти, Ашера путуна табынма дирегини де якъты.

2 Тарих вакъиалары 31:1

Бунынъ эписинден сонъ, анда олгъан исраиллилер Ехуда шеэрлерине кеттилер ве бутюн пут ташларыны парчаладылар, Ашера путуна табынма диреклерини кестилер ве бутюн Ехуда, Биньямин, Эфраим ве Менашше топракъларындаки ибадет тёпелерини ве къурбан ерлерини бутюнлей ёкъ эттилер. Сонъ Исраиль огъуллары озь ерлерине, озь шеэрлерине къайттылар.

Чыкъыш 32:34

– Шимди тюшип, бу халкъны Мен санъа айткъан ерге алып кет. Сенинъ огюнъден Мелегим кетеджек. Вакъты-саати кельгенде, Мен исраиллилерни гуналары ичюн джезаларым.

Амос 2:8

Олар эр къурбан ери янында залоггъа алынгъан урбалар устюне ята, джеза оларакъ алынгъан шарапны аллаларнынъ эвлеринде ичелер.

Амос 4:4

– Бет-Эльге кетинъиз, къанунсыз ишлеринъизни япынъыз, Гилгалда чокъча гуна къазанынъыз. Эр саба къурбанларынъызны чалынъыз, эр учюнджи куню онда бир пайларынъызны кетиринъиз.

Амос 7:10

Бет-Эльдеки руханий Амацья Исраиль падишасы Еровоамгъа бойле хабер ёллады: – Амос Исраиль халкъынынъ ортасында санъа къаршы халкъны котере. Топракъ онынъ бу къадар сёзлерини котерип оламаз.

Амос 7:13

Бир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр.

Амос 7:9

Исхакънынъ ибадет тёпелери ёкъ этиледжек, Исраильнинъ азиз ерлери йыкъыладжакъ, Еровоамнынъ эвине къаршы Мен къылычнен чыкъаджагъым.

Амос 9:1

Мен Раббининъ къурбан ери янында тургъаныны корьдим. О, бойле деди: – Колонналарнынъ башларына ур, къапу башы сарсылсын, тёпеси адамларнынъ башына тюшсюн. Сагъ къалгъанларны исе Мен къылычнен ольдюреджегим. Оларнынъ кимсеси къачып оламайджакъ, къуртулмагъа истегенлери де къуртулмайджакъ.