Амос 3:1 - Мукъаддес Китап

¹ Эй, Исраиль огъуллары, бу сёзлерни динъленъиз! РАББИ сизге, Мысырдан чыкъаргъан бутюн халкъкъа шойле дей:

Амос 3:1 ပူးပေါင်းရင်းမြစ်များ

1 Тарих вакъиалары 16:13

Эй, Онынъ къулу Исраильнинъ сою, Озю сайлагъан Якъупнынъ огъуллары!

2 Тарих вакъиалары 20:15

О бойле деди: – Эй, бутюн ехудалылар, Ерусалим халкъы ве Ехошафат падиша, дикъкъат этинъиз! РАББИ сизге бойле дей: «Бу буюк ордудан къоркъманъыз, оларнынъ огюнде къалтыраманъыз. Бу дженк сизинъки дегиль, бу дженк Алланынъ дженкидир.

Ешая 46:3

Эй, Якъупнынъ эви, Исраиль эвинден эписи сагъ къалгъанлар! Ананъыз сизни догъгъан сонъ, сизни ташып юре эдим. Мени динъленъиз!

Ешая 48:12

– Эй, Якъуп, Мен чагъыргъан Исраиль, Мени динъле: – Бу – Меним! Мен – биринджи, Мен де – сонъки!

Йирмея 13:11

Къушакъ адамнынъ белине насыл якъын олса, бутюн Исраиль халкъыны ве бутюн Ехуда халкъыны Озюме якъынлаштырдым, – дей РАББИ. – Олар Меним халкъым, намым, макътав йырым ве дюльбер шуретим оладжагъыны истедим, амма олар Мени динълемедилер.

Йирмея 31:1

– О заман, – дей РАББИ, – Мен бутюн Исраиль къабилелерининъ Алласы оладжагъым, ве олар Меним халкъым оладжакълар.

Йирмея 8:3

Бу яман къабиледен бутюн сагъ къалгъанлар яшайышкъа коре олюмни сайлайджакълар. Мен оларны къувалайджакъ бутюн ерлерде, олар сагъ къаладжакъ топракъларда айны шей оладжакъ, – дей Ордуларнынъ РАББИси.

Хошеа 4:1

Эй, Исраиль огъуллары! РАББИнинъ сёзюни динъленъиз! РАББИ бу ерде яшагъанларны къабаатлай, чюнки мемлекетте не акъикъат, не мерамет бар, ве адамлар Алланы бильмейлер.

Хошеа 5:1

Эй, руханийлер, буны эшитинъиз! Эй, Исраиль халкъы, дикъкъатнен динъленъиз! Эй, падишанынъ эви, къулакъ асынъыз! Сизлер укюм этиледжексинъиз, чюнки сиз озь путларынъызнен Мицпа шеэринде халкъны къапкъангъа тюшюрдинъиз, Тавор дагъында къоюлгъан бир агъ киби олдынъыз.

Амос 2:10

Мен сизни Мысыр мемлекетинден чыкъардым, къыркъ йыл сахрада юрсеттим, аморлыларнынъ топрагъыны сизге бердим.

Амос 4:1

Эй, Самарие дагъында яшагъан, Башан сыгъырлары киби, семиз олгъан къадынлар! Фукъарелерни хорлагъан, факъырларны чекиштирген, акъайларына: «Бизге бир шей ичмеге кетир!» – деген апайлар, бу сёзлерни динъленъиз.

Амос 5:1

Эй, Исраиль эви, Меним сизлер ичюн агълав йырымны динъленъиз:

Микъа 2:3

Шунынъ ичюн РАББИ шойле дей: – Мына, Мен шу халкъкъа ойле беля ёлларым ки, озь боюнларынъызны къуртарып оламазсынъыз, башынъызны котерип юрип оламазсынъыз, ве заманлар пек фена оладжакъ.

Микъа 3:1

Мен бойле дедим: – Якъуп огъуллары ве Исраиль эвининъ башлыкълары! Динъленъиз! Сизге догърусыны бильмеге керекми?

Цефанья 2:5

Денъиз боюнда яшагъан халкъкъа, керетлилернинъ миллетине беля! Эй, ханаанлылар, Фелестин топрагъы! РАББИнинъ сёзю сизге къаршы: «Мен сени ёкъ этеджегим, ич биринъиз сагъ къалмаз!»

Сырларнынъ ачылувы 2:29

Рухнынъ иманлылар джемиетлерине айткъан лафларыны къулагъы олгъан эр бири эшитсин».