Амос 2:5 - Мукъаддес Китап

⁵ Ехудагъа атеш ёллайджагъым, о, Ерусалимнинъ къавийлештирильген сарайларыны якъып ташлайджакъ.

Амос 2:5 ပူးပေါင်းရင်းမြစ်များ

4 Падишалар 25:9

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни атеште якъты.

Йирмея 17:27

Лякин Мени динълемесенъиз, раатлыкъ куню сизде мукъаддес куню олмаса ве бу куньде Ерусалимнинъ къапуларындан юк кирсетсенъиз, шеэр къапуларында атеш янаджакъ ве Ерусалимнинъ сарайларыны якъып, ёкъ этеджек ве ич сёнмейджек».

Йирмея 21:10

Мен бу шеэрге чевирилип, яхшылыкъ япмам, яманлыкъ япаджагъым, – дей РАББИ. – Бу шеэр Вавилон падишасынынъ къолуна кечеджек, ве падиша шеэрни якъаджакъ.

Йирмея 39:8

Къасдийлилер падишанынъ эвини ве халкънынъ эвлерини якътылар, Ерусалимнинъ диварларыны йыкътылар.

Йирмея 52:13

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни о, атеште якъты.

Хошеа 8:14

Исраиль Яратыджысыны унутты, путларгъа ибадетханелерни ясады, Ехуда бир чокъ янына барылмаз шеэрни къурды. Амма Мен оларнынъ шеэрлерине атеш ёллайджагъым, ве о, къалелерини ашап битиреджек.

Амос 1:4

Хазаэлнинъ эвине атеш ёллайджагъым, о, Бен-Хададнынъ къавийлештирильген сарайларыны якъып ташлайджакъ.

Амос 3:11

Шунынъ ичюн РАББИ-ТААЛЯ бойле дей: – Душманлар топрагъынъызнынъ этрафыны сараджакъ, байлыгъынъызны тартып аладжакъ, сарайларынъызны чайпайджакъ.

Амос 3:15

Эм къышлыкъ, эм язлыкъ эвлерини йыкъаджагъым, фильтишнен яраштырылгъан эвлер гъайып оладжакъ, ве даа чокътан-чокъ эвлер ёкъ оладжакъ, – дей РАББИ.

Амос 7:4

РАББИ-ТААЛЯ манъа шуны косьтерди: Мына, РАББИ-ТААЛЯ адамларны джезаламагъа атешни ёллады. Атеш терен денъизни ве топракънынъ бир къысмыны якъып битирди.