Амос 2:1 - Мукъаддес Китап

¹ РАББИ бойле дей: – Гуна устюне гуна къазангъанлары ичюн, моавлыларны мытлакъа джезалайджагъым. Чюнки олар Эдом падишасынынъ кемиклерини якъты, кулюни сылавгъа къошты.

Амос 2:1 ပူးပေါင်းရင်းမြစ်များ

4 Падишалар 3:9

Бундан сонъ Исраиль падишасы, Ехуда падишасы ве Эдом падишасы ёлгъа чыкътылар. Еди кунь девамында ёлларда анда-мында юрдилер. Ордуларынынъ ве оларнен берабер кеткен айванларынынъ суву битти.

Икметли сёзлер 15:3

РАББИнинъ козю эр бир ерни корер, эм яхшы, эм яман адамны.

Ешая 11:14

Олар экиси куньбатышта фелестинлилерге атыладжакъ, уджюм этип, куньдогъушта яшагъанларны талайджакълар, Эдом ве Моавны юмрукънен ураджакълар, Аммон балаларыны бойсундыраджакълар.

Ешая 16:6

– Моавнынъ макътангъаныны, пек къопай, гъурурлы, кибирли ве магърур айткъанларыны эшиттик. Айткъанлары исе бошуна!

Ешая 25:10

РАББИнинъ къолу бу дагъда къаладжакъ. Моав исе, тобан кубре чукъурында тапталгъаны дайын, озь еринде тапталаджакъ.

Йирмея 25:21

Эдомгъа, Моавгъа, Аммон огъулларына;

Амос 1:11

РАББИ бойле дей: – Гуна устюне гуна къазангъанлары ичюн, эдомлыларны мытлакъа джезалайджагъым. Чюнки олар къардашлары исраиллилернинъ артындан къылычнен къувалады, мераметсиз олды, ачувына чыкъмагъа ёл берди, ве гъазабы сонъсуз эди.

Амос 1:13

РАББИ бойле дей: – Гуна устюне гуна къазангъанлары ичюн, аммонлыларны мытлакъа джезалайджагъым. Чюнки олар, озь мемлекетине башкъа топракъларны къошмакъ ичюн, Гиладда юклю къадынларнынъ къурсакъларыны яра эди.

Амос 1:3

РАББИ бойле дей: – Гуна устюне гуна къазангъанлары ичюн, Дамаскта яшагъанларны мытлакъа джезалайджагъым. Чюнки олар Гилад халкъына, ашлыкъны демир алетлернен бастыргъан дайын, шефкъатсыз янаштылар.

Амос 1:6

РАББИ бойле дей: – Гуна устюне гуна къазангъанлары ичюн, Гъазада яшагъанларны мытлакъа джезалайджагъым. Чюнки олар бутюн халкъны сюргюн этти ве эдомлыларнынъ къолларына берди.

Амос 1:9

РАББИ бойле дей: – Гуна устюне гуна къазангъанлары ичюн, Тир шеэринде яшагъанларны мытлакъа джезалайджагъым. Чюнки олар эписи сюргюн этильгенлерни эдомлыларнынъ къолларына берди, достлукъ мунасебетлерини акъылгъа кетирмеди.

Амос 2:4

РАББИ бойле дей: – Гуна устюне гуна къазангъанлары ичюн, ехудалыларны мытлакъа джезалайджагъым. Чюнки олар РАББИнинъ Къанунындан вазгечти, низамнамелерини беджермеди. Деделери яланджы путларнынъ артындан кетти, путлар оларны да ёлдан урды.

Амос 2:6

РАББИ бойле дей: – Гуна устюне гуна къазангъанлары ичюн, исраиллилерни мытлакъа джезалайджагъым. Чюнки олар инсафлы адамны кумюшке сата, фукъарени бир чифт сандалетке бере.

Микъа 6:5

Эй, халкъым! Акълынъа кетир: Моав падишасы Балакъ сизге къаршы нелер тюшюнди? Беорнынъ огълу Белам онъа насыл джевап берди? Шиттимден Гилгалгъа къадар не олды? Мен, РАББИ, сизге ишанчлыгъымны косьтердим.