4 Падишалар 9:34 - Мукъаддес Китап

³⁴ Еху эвге кирип, ашады-ичти, сонъ: – Анавы лянетлини алып джыйынъыз ве дефн этинъиз. Насыл да олса, о, падишанынъ къызыдыр, – деди.

4 Падишалар 9:34 ပူးပေါင်းရင်းမြစ်များ

3 Падишалар 16:31

Неват огълу Еровоамнынъ япкъан гуналары аз олгъандайын, о, сидонлыларнынъ падишасы Этбаалнынъ Изевель къызына эвленип, Баалгъа хызмет этип ве онъа табынып башлады.

3 Падишалар 18:41

Бундан сонъра Ильяс Ахавгъа: – Бар, аша-ич. Буюк ягъмур шувултысы эшитилип башлады, – деди.

3 Падишалар 21:25

РАББИнинъ огюнде Ахав киби яманлыкъ япкъан адам ёкъ эди, шу яманлыкъларны япмагъа оны апайы Изевель огретти.

4 Падишалар 9:33

Еху: – Оны котерип ашагъы атынъыз, – деди. Изевельни котерип аттылар. Онынъ къаны диваргъа ве атларгъа сачрады, ве атлар оны таптадылар.

4 Падишалар 9:35

Изевельни дефн этмеге кеттилер, лякин къафасы, аякълары ве эллеринден гъайры бир шейини тапмадылар.

Эстер 3:15

Хаберджилер падишанынъ эмиринен тез ёлгъа чыкътылар. Къанун Шушан къалесинде де илян этильген эди. Падишанен Хаман отурып иче эдилер, Шушан шеэрининъ халкъы исе шашкъынлыкъ ичинде эди.

Икметли сёзлер 10:7

Инсафлы адамны макътавнен хатырларлар, яман адамнынъ ады исе гъайып олур.

Ешая 65:15

Сайлагъан халкъым адынъызнен къаргъайджакълар, РАББИ-ТААЛЯ сизни ольдюреджек, къулларына исе башкъа ад береджек.

Амос 6:4

Сизлер фильтишнен япылгъан ятакълар устюнде ятасыз, диванларынъызда кейф чатасыз, энъ яхшы къозуларны ве бакъылгъан бузавларны ашайсынъыз.

Матта 25:41

Сонъ сол тарафындакилерине: – Эй, лянетлилер! Ёкъ олунъ козюмден! Шейтангъа ве онынъ мелеклерине азырланылгъан эбедий атешке тюшюнъиз!