4 Падишалар 8:24 - Мукъаддес Китап

²⁴ Ехорам кечинип, баба-деделерине къошулды ве бабаларынынъ къабринде, Давут Шеэринде дефн этильди. Онынъ ерине огълу Ахазья тахткъа отурды.

4 Падишалар 8:24 ပူးပေါင်းရင်းမြစ်များ

3 Падишалар 11:43

Сулейман баба-деделерине къошулды ве бабасы Давут Шеэринде дефн этильди. Онынъ ерине огълу Реховоам падиша олды.

3 Падишалар 14:20

Еровоам 22 йыл падишалыкъ этти. Сонъ о, бабаларына къошулды. Онынъ ерине огълу Надав тахткъа отурды.

3 Падишалар 14:31

Реховоам бабаларына къошулды ве бабаларынен берабер Давут Шеэринде дефн этильди. Анасы аммонлы эди, онынъ ады Наама. Онынъ ерине огълу Авиям тахткъа отурды.

3 Падишалар 2:10

Давут баба-деделерине къошулды ве Давут Шеэринде дефн этильди.

4 Падишалар 10:13

Еху Ехуда падишасы Ахазьянынъ тувгъанларыны расткетирди. О: – Сиз кимсинъиз? – деп сорады. Олар: – Биз Ахазьянынъ тувгъанларымыз. Падиша огъулларынынъ сагълыгъы ве падиша апайы огъулларынынъ сагълыгъыны ёкъламагъа кетемиз, – дедилер.

4 Падишалар 14:20

Сонъ олюсини атларда Ерусалимге кетирдилер ве оны Давут Шеэринде баба-деделерининъ къабринде дефн эттилер.

4 Падишалар 15:38

Ётам кечинип, баба-деделерине къошулды ве Давут бабасынынъ шеэринде баба-деделерининъ къабринде дефн этильди. Онынъ ерине огълу Ахаз падиша олды.

4 Падишалар 16:20

Сонъ Ахаз кечинип, баба-деделерине къошулды ве Давут Шеэринде баба-деделерининъ къабринде дефн этильди. Онынъ ерине огълу Хизкия тахткъа кечти.

4 Падишалар 8:23

Ехорамнынъ башкъа ишлери, онынъ эписи япкъанлары акъкъында Ехуда падишаларынынъ тарихы китабында язылгъандыр.

4 Падишалар 9:28

Къуллары онынъ олюсини Ерусалимге алып кеттилер, анда озь къабринде, баба-деделеринен бирликте, Давут Шеэринде дефн эттилер.

1 Тарих вакъиалары 3:11

Ехошафатнынъ огълу Ехорам. Ехорамнынъ огълу Ахазья. Ахазьянынъ огълу исе Ёаш эди.

2 Тарих вакъиалары 21:1

Ехошафат ольди ве баба-деделерине къошулды. Оны баба-деделеринен берабер Давут Шеэринде дефн эттилер. Онынъ ерине огълу Ехорам падиша олды.

2 Тарих вакъиалары 21:17

Олар Ехудагъа къаршы чыкътылар ве онынъ топракъларыны басып алдылар. Падишанынъ сарайында тапылгъан бутюн малларны запт этип алдылар, падишанынъ огъуллары ве апайларыны да алдылар. Ехорамнынъ кучюк огълу Ехоахаздан гъайры, онынъ башкъа огълу къалмады.

2 Тарих вакъиалары 21:20

Ехорам падиша олгъанда, 32 яшында эди. О, секиз йыл девамында Ерусалимде падишалыкъ япты. Онынъ олюмине кимсе аджынмады. Оны Давут Шеэринде дефн эттилер де, падишалар къабринде дефн этмедилер.

2 Тарих вакъиалары 21:7

Лякин РАББИ Давуткъа Озь васиетини багъышлагъаны, онъа ве эвлятларына эбедий къандиль бермеге сёз бергени ичюн, Давутнынъ союны ёкъ этмеге истемеди.

2 Тарих вакъиалары 22:1

Арапларнен кельген аскерлер дженкнен келип, Ехорамнынъ эписи буюк огъулларыны ольдюргенлери ичюн, Ерусалим халкъы падиша оларакъ онынъ кучюк огълуны Ахазьяны къойдылар. Бойле этип, Ехорамнынъ огълу Ахазья Ехуданынъ падишасы олды.

2 Тарих вакъиалары 22:6

О, Йизреэл шеэрине къайтты. Анда о, Рама шеэринде Арам падишасы олгъан Хазаэлге къаршы дженкте арамлылардан алынгъан яраларыны тедавийлемеге истеди. Ехуда падишасы Ехорамнынъ огълу Ахазья Ахавнынъ огълу Ёрамны Йизреэлде хаста олгъан вакътында барып бакъты.

2 Тарих вакъиалары 25:23

Исраильнинъ падишасы Ёаш Ехуданынъ падишасы Амацьяны (Амацья – Ёашнынъ огълу, Ёаш – Ехоахазнынъ огълу эди) Бет-Шемеште тутты ве Ерусалимге алып барды. О, Эфраим Къапусындан Коше Къапусына къадар Ерусалим диварынынъ 200 метр олгъан къысмыны бозды.