4 Падишалар 7:8 - Мукъаддес Китап

⁸ Тери хасталыгъы олгъан адамлар ордунынъ четине келип, бир чадыргъа кирди, ашады-ичтилер, андан алтын-кумюшлерни, урбаларны алып сакъладылар. Къайтып, башкъа чадыргъа кирдилер, андан да шейлер алып сакъладылар.

4 Падишалар 7:8 ပူးပေါင်းရင်းမြစ်များ

4 Падишалар 5:24

Байырнынъ янына кельгенде, Гехазий эписини оларнынъ къолундан алды да, эвинде сакълады. Хызметчилерни артына къайтарды, ве олар кеттилер.

4 Падишалар 7:9

Сонъ бири-бирине: – Биз янълыш япамыз! Бу кунь – буюк къуванчлы хабер куню! Эгер отурып, танъ аткъаныны беклесек, бизге къабаат тюшеджек. Айды барайыкъ да, падишагъа ве онынъ адамларына хабер этейик, – дедилер.

Ешая 33:23

Гемидеки аркъанларынъ бошады, мачтаны тутып оламайлар, елькенни котермеге мумкюн дегиль. О заман буюк гъанимет пай этиледжек, топаллар биле чайпавгъа къошуладжакъ.

Йирмея 41:8

Лякин олардан он адам ялварып, Исмаилге: – Бизни ольдюрме! Бизим тарлада сакълы богъдайымыз, арпамыз, зейтюн ягъымыз ве балымыз бар, – дедилер. Исмаил озюни тутып, оларны къалгъан агъа-къардашларынен берабер ольдюрмеди.

Матта 13:44

– Кок Падишалыгъы тарлада сакълангъан хазинеге ошай. Бир адам оны тапып, кене сакълай ве къувана-къувана барып, бутюн мал-мулькюни сата да, шу тарланы ала.

Матта 25:18

Бир бинъ алтын алгъан адам исе барып, чукъур къаза ве эфендисининъ парасыны сакълай.

Нун огълу Ехошуа 7:21

гъаниметнинъ арасында Шинар мемлекетининъ аджайип урбасыны, эки кило кумюш ве ярым кило агъырлыгъында бир кесек алтынны корьдим, оларны бегенип алдым. Бу шейлерни чадырымнынъ ортасында топракъта сакъладым. Кумюшни чукъурнынъ тюбюне къойдым.