4 Падишалар 5:22 - Мукъаддес Китап

²² Гехазий джевап берип: – Хайырлы! Эфендим мени санъа бойле деп йиберди: «Манъа Эфраим дагълы топрагъындан эки пейгъамбер энди кельди. Оларгъа бир чувал кумюш ве эки къат урба берсе», – деди.

4 Падишалар 5:22 ပူးပေါင်းရင်းမြစ်များ

3 Падишалар 13:18

Къарт исе бойле деди: – Мен де сенинъ киби пейгъамберим. Бир мелек манъа РАББИнинъ эмиринен: «Оны эвинъе къайтар, аш ашасын, сув ичсин», – деди. Лякин о, ялан айтты.

3 Падишалар 20:35

Бундан сонъ пейгъамберлерден бириси РАББИнинъ айткъанына коре башкъасына: – Мени ур! – деди, лякин башкъа пейгъамбер оны урмагъа разы олмады.

3 Падишалар 20:39

Падиша янындан кечеяткъанда, о, къычырып: – Мен, къулунъ, дженкнинъ къайнагъан еринде эдим. Бир адам четке чыкъып, манъа бир адамны кетирди ве: «Шу адамны къаравулла. Эгер о къачып кетсе, сенинъ джанынъ онынъ джаны ерине кечеджек, я да бир чувал кумюш тёлейджексинъ», – деди.

4 Падишалар 2:15

Узакъта тургъан Ерихондаки пейгъамберлернинъ шегиртлери онынъ япкъаныны корип: – Ильяснынъ руху Эль-Ясагъа энген, – дедилер. Сонъра онынъ къаршысына келип, ергедже бель буктилер,

4 Падишалар 2:3

Бет-Эльдеки пейгъамберлернинъ шегиртлери Эль-Ясанынъ огюне чыкътылар ве ондан: – Бугунь РАББИ сенинъ эфендинъни сенден аладжагъы акъкъында хаберинъ бармы? – деп сорадылар. Эль-Яса: – Меним де хаберим бар. Индеменъиз! – деди.

4 Падишалар 2:5

Ерихондаки пейгъамберлернинъ шегиртлери Эль-Ясагъа якъынлашып, онъа: – Бугунь РАББИ эфендинъни сенден аладжагъы акъкъында хаберинъ бармы? – дедилер. О исе: – Меним де хаберим бар. Индеменъиз! – деди.

4 Падишалар 2:7

Олар экиси Иордан озенининъ янында тургъанда, элли пейгъамбер келип, оларнынъ къаршысында узакъта турдылар.

4 Падишалар 4:26

Оны къаршыламагъа чап да: «Сагъ-амансынъмы? Акъайынъ сагъмы? Баланъ сагъмы?» – деп сора, – деди. Къадын исе: – Эписи яхшы, – деп джевап берди.

4 Падишалар 5:21

Сонъ Гехазий Нааманнынъ артындан чапып кетти. Нааман артындан чапып кельген адамны корьди, оны къаршыламагъа арабасындан тюшти ве: – Не олды? Хайырлымы? – деп сорады.

4 Падишалар 5:25

Гехазий эфендисине къайтып кельгенде, Эль-Яса ондан: – Гехазий, къайдан келесинъ? – деп сорады. Гехазий исе: – Ёкъ-ёкъ, къулунъ бир якъкъа бармады, – деди.

4 Падишалар 5:5

Арамнынъ падишасы Наамангъа: – Бар, мен Исраиль падишасына мектюп ёлларым, – деди. Нааман озюнен он чувал кумюш, эки чувал алтын ве он тюрлю урба алып, барды.

Ешая 59:3

Къолларынъыз къаннен, пармакъларынъыз къабаатнен арамланды. Агъзынъызнен ялан айтасыз, тилинъизнен яманлайсыз.

Йирмея 9:3

Керильген яй окъ атмагъа азыр олгъаны киби, тиллери ялан айтмагъа азырдыр; олар кучьлю, амма курешлери акъикъат ичюн дегиль, бир яландан башкъасына кечелер ве Мени бильмейлер, – дей РАББИ.

Йирмея 9:5

Дост достны алдата, кимсе догърусыны айтмай. Тиллерини ялан айтмагъа огреттилер, бар кучюнен гуна япып, болдуралар.

Юхан 8:44

Сизинъ бабанъыз – Шейтандыр. Сиз озь бабанъызнынъ бутюн истеклерини беджермеге истейсиз. Шейтан башындан адам ольдюриджиси эди. О, акъикъатта яшамай, чюнки онда акъикъат ёкъ. Ялан айткъанда, озюне ярашкъан шей айта. О, яланджыдыр, яланнынъ бабасыдыр.

Нун огълу Ехошуа 24:33

Сонъ Харун огълу Элазар кечинди, ве оны Эфраим дагъларында ерлешкен, огълу Пинехаскъа берильген Гива шеэринде дефн эттилер.

Сырларнынъ ачылувы 21:8

Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети – атеш ве кукюрт янгъан гольдедир. Бу, экинджи олюмдир.

Къадылар 14:12

Шимшон оларгъа: – Айды, мен сизлерге бир тапмаджа айтайым. Эгер той девам этеджек еди кунь ичинде тапмаджаны чезип олсанъыз ве догъру джевабыны берсенъиз, мен сизге отуз кетен кольмек ве отуз урба берерим.