4 Падишалар 4:42 - Мукъаддес Китап

⁴² Баал-Шалиша деген ерден бир адам кельди ве Алланынъ адамына биринджи орулгъан ашлыкътан 20 дане арпа отьмегини ве темизленмеген чий арпа ашлыгъыны кетирди. Эль-Яса: – Адамларгъа бер, ашасынлар, – деди.

4 Падишалар 4:42 ပူးပေါင်းရင်းမြစ်များ

3 Падишалар 14:3

Озюнънен берабер он дане отьмек, пителер, бир бардакъ бал ал да, онъа алып кет. О санъа баланынъ келеджегини айтып берер, – деди.

4 Падишалар 4:38

Эль-Яса исе Гилгалгъа къайтты. О ерлерде ачлыкъ олды. Пейгъамберлернинъ шегиртлери Эль-Ясанен корюшмеге кельдилер. Эль-Яса хызметчисине: – Балабан къазан ал да, пейгъамберлернинъ шегиртлерине шорба пишир, – деди.

4 Падишалар 5:5

Арамнынъ падишасы Наамангъа: – Бар, мен Исраиль падишасына мектюп ёлларым, – деди. Нааман озюнен он чувал кумюш, эки чувал алтын ве он тюрлю урба алып, барды.

4 Падишалар 7:1

Эль-Яса онъа: – РАББИнинъ айткъаныны динъле! РАББИ бойле дей: Ярын Самариенинъ араба къапусынынъ янында бир буюк савут энъ яхшы уннынъ фияты бир кумюш оладжакъ, эки буюк савут арпанынъ фияты да бир кумюш оладжакъ, – деди.

Чыкъыш 23:16

Тарлада сачкъан Биринджи Махсул Байрамыны япынъыз. Тарладан бутюн берекетинъни джыйгъан сонъ, берекет джыйылув куньлерининъ сонъунда, Махсул Джыйылув Байрамыны япынъыз.

Сайылар 18:12

Мен санъа энъ яхшы зейтюн ягъыны, энъ яхшы янъы шарапны ве ашлыкъны, олар РАББИге берген биринджи берекетлерини бердим.

Сайылар 18:13

Топракънынъ биринджи берекетлеринден РАББИге кетириледжеклернинъ эписи сенинъки олсун. Сенинъ эвинъде элял олгъан эр кес оларны ашап олур.

Юхан 6:13

Шегиртлер, адамлар ашагъан беш арпа отьмегинден къалгъан парчаларны джыйып, он эки сепет толдурдылар.

Юхан 6:9

– Бу ерде бир огъланда беш арпа отьмек ве эки балыкъ бар, лякин бу къадар адам ичюн о недир? – деди.

1 Коринтлилерге 9:11

Биз аранъызда Рухнынъ урлукъларыны сачкъан сонъ, сизлерден беден ичюн берекет алсакъ, адалетсиз олурмы?

Галатиядакилерге 6:6

Иманда огренген оны огреткен адамнен озюнинь эр бир яхшы шейинен пайлашсын.

Къануннынъ текрары 12:6

Анда къурбан этип, айванларны бутюнлей якъынъыз, башкъа къурбанларынъызны чалынъыз, махсулларынъыздан он пайда бир пайыны кетиринъиз, шахсий бахшышларынъызны беринъиз, адакъларынъызны япынъыз, озь истегинъиз боюнджа бахшышларынъызны, туварлар ве къой-эчкилеринъизнинъ биринджи несилини кетиринъиз.

Къануннынъ текрары 32:14

эм де тувардан иримчикни, къой-эчкилерден сютни, къозуларнынъ, Башан еринден къочкъарларнынъ ве текелернинъ ягъыны, ве энъ яхшы богъдайны берген. Юзюм къаныны, шарапны сен иче эдинъ.

Къануннынъ текрары 8:8

богъдай, арпа, юзюм, инджир ве нар тереклери, зейтюн ягъы ве бал да бар.

1 Падишалар 9:4

Олар эфраимлилернинъ дагълы топрагъына бардылар, Шалиша ерлерини кечтилер, лякин эшеклерни тапмадылар. Шаалим ерлерини бакътылар – анда да ёкъ. Биньямин ерлерини де къыдырдылар, кене тапамадылар.

1 Падишалар 9:7

Шаул озь хызметчисине: – Яхшы, эгер биз о адамгъа барсакъ, онъа не берейик? Чанталарымызда отьмек къалмады, шу Алланынъ адамына бир шей багъышламакъ ичюн, бир бахшышымыз ёкъ. Бизде не бар? – деди.