4 Падишалар 4:39 - Мукъаддес Китап

³⁹ Оларнынъ бириси тарлагъа къокъулы отлар джыймагъа кетти. Анда бир кийик къабакъ тапып, онынъ къабачыкъларыны джыйып, этегине толдурды. Артына къайтып, оларны шорба пишкен къазангъа догърады. Осюмликнинъ не олгъаныны бильмей эди.

4 Падишалар 4:39 ပူးပေါင်းရင်းမြစ်များ

Башланув 25:29

Бир кунь Якъуп аш пиширгенде, Исав тарладан болдурып-узюлип къайтты.

3 Падишалар 6:18

Сарайнынъ ичиндеки кедр тахталарында хыяргъа бенъзеген ве ачылаяткъан чечеклернинъ ресимлери оюлып япылгъан эди. Сарайнынъ эр бир ери кедрнен къаплангъан эди. Бир ерде таш корюнмей эди.

4 Падишалар 4:38

Эль-Яса исе Гилгалгъа къайтты. О ерлерде ачлыкъ олды. Пейгъамберлернинъ шегиртлери Эль-Ясанен корюшмеге кельдилер. Эль-Яса хызметчисине: – Балабан къазан ал да, пейгъамберлернинъ шегиртлерине шорба пишир, – деди.

4 Падишалар 4:40

Аш адамларнынъ огюне къоюлды. Лякин олар шорбаны ашап башлагъанындан сонъ, шамата котердилер ве: – Алланынъ адамы! Къазаннынъ ичинде олюм бар! – деп, ашап оламадылар.

Икметли сёзлер 19:2

Адамгъа бильгисиз олмагъа яхшы дегиль, ашыкъкъан аякълар ёлдан урулырлар.

Ешая 5:4

Юзюм багъым ичюн даа нелер япмакъ кереким? Мен япмагъан шей къалдымы? Яхшы юзюм береджегини беклегенимде, не ичюн о, кийик экши юзюмни берди?

Йирмея 2:21

Мен сени сачкъанда, сен энъ яхшы юзюм пытагъы, тер-темиз урлукъ эдинъ. Насыл этип, Меним огюмде кийик юзюм пытагъына чевирильдинъ?

Матта 15:13

Иса оларгъа джевап берип: – Меним Бабам сачмагъан эр бир осюмлик тюбю-тамырынен сувурылып ташланаджакъ.

Еудийлерге 12:15

Ич биринъиз Алланынъ эйилигини ред этменъиз деп, дикъкъатлы олунъыз. Аранъызда аджджы тамыргъа ошагъан адам олмасын, ёкъса о сизге зарар кетиреджек ве чокъ адамларны арамлайджакъ.