4 Падишалар 3:9 - Мукъаддес Китап

⁹ Бундан сонъ Исраиль падишасы, Ехуда падишасы ве Эдом падишасы ёлгъа чыкътылар. Еди кунь девамында ёлларда анда-мында юрдилер. Ордуларынынъ ве оларнен берабер кеткен айванларынынъ суву битти.

4 Падишалар 3:9 ပူးပေါင်းရင်းမြစ်များ

3 Падишалар 22:27

Анда айтынъыз: «Падиша бойле деди: “Мынавны алынъыз да, оны зиндангъа атынъыз. Мен аман-эсен къайтып кельмегендже, онъа азачыкъ сув ве отьмектен башкъа бир шей берменъиз”», – деди.

3 Падишалар 22:47

О вакъыт Эдом топрагъында падиша ёкъ эди. Онынъ ерине падиша вазифесини беджерген бир адам къоюлды.

3 Падишалар 22:48

Ехошафат Офирге алтын алмагъа кетмек ичюн, денъизде Таршиш гемилери яптырды, лякин олар анда келип етиштирмеди, Эцион-Геверде парчаландылар.

4 Падишалар 3:1

Ехуда падишасы Ехошафат 18-инджи йыл падишалыкъ эткенде, Ахавнынъ огълу Ёрам Исраиль падишасы олды. О, Самарие шеэринде 12 йыл девамында падишалыкъ этти.

4 Падишалар 3:10

– Ах! Вах! – деди Исраиль падишасы. – РАББИ бу учь падишаны моавлыларнынъ элине бермек ичюн топлады.

4 Падишалар 3:7

Ехуда падишасы олгъан Ехошафаткъа бойле хабер йиберди: – Моавнынъ падишасы манъа къаршы котерильди. Моавлыларгъа къаршы дженкке меннен берабер кетеджексинъми? – деп соратты. Ехошафат онъа джевап берип: – Мен сеннен кетерим. Аскер ве атлыларым да сенинъ олсун, – деди.

4 Падишалар 3:8

– Къайсы ёлдан кетеджекмиз? – деп сорады. – Эдом сахрасы ёлундан кетеджекмиз, – деп джевап берди Ёрам.

4 Падишалар 8:20

Ехорамнынъ куньлеринде Эдом мемлекети Ехудагъа къаршы котерильди ве озюне падиша къойды.

Чыкъыш 11:8

Сенинъ эписи къулларынъ манъа келип седжде этерлер ве: «Сен ёлбашчылыкъ эткен бутюн халкъынънен чыкъып кет», – деп айтарлар. Бундан сонъ мен чыкъып кетерим, – деди ве гъазапнен фыравундан чыкъып кетти.

Чыкъыш 15:22

Муса исраиллилерни Къызыл денъиз янындан алып кетти, ве олар Шур сахрасына кельдилер. Сахра бою учь кунь кеттилер, амма сувны тапалмадылар.

Чыкъыш 17:1

РАББИнинъ эмиринен исраиллилернинъ бутюн джемааты Син сахрасындан чыкъып, озь ёлуны алдылар ве Рефидим деген ерде ордунен ерлештилер. Анда халкъкъа ичмек ичюн, сув ёкъ эди.

Сайылар 20:2

О вакъыт джемаат ичюн сув ёкъ эди, ве олар Мусагъа ве Харунгъа къаршы топландылар.

Сайылар 20:4

РАББИнинъ джемаатыны неге бу сахрагъа кетирдинъиз? Биз мында айванларымызнен берабер ольмек ичюнми?

Сайылар 21:5

Халкъ Аллагъа ве Мусагъа къаршы айтып башладылар: – Бизни Мысырдан не ичюн чыкъардынъыз? Бизге сахрада ольмек ичюнми? Мында не отьмек бар, не сув. Бу бир шейге кечмеген аштан да джанымыз безди.

Сайылар 33:14

Алуштан чыкъып, ордуларыны Рефидимде ерлештирдилер. Анда халкъкъа ичмек ичюн сув ёкъ эди.

Къадылар 4:10

Анда Баракъ Кедешке Нафталий ве Зевулун огъулларыны чагъыртты. Онынъ башчылыгъы алтында 10 000 аскер топланды. Девора да оларнен берабер кетти.