4 Падишалар 3:11 - Мукъаддес Китап

¹¹ Ехошафат исе: – Мында РАББИнинъ пейгъамбери ёкъ экенми? Биз ондан РАББИнинъ эмири акъкъында сорар эдик, – деди. Исраиль падишасынынъ хызметчилеринден бири: – Мында Шафат огълу Эль-Яса бар. О, Ильяснынъ хызметчиси эди, – деди.

4 Падишалар 3:11 ပူးပေါင်းရင်းမြစ်များ

Башланув 18:4

Сизге аякъ ювмагъа сув кетирирлер. Терек тюбюне отурып раатланынъыз.

3 Падишалар 19:21

Эль-Яса кетип, эки бугъаны алып сойды, чифт бугъанынъ этини къавурды, адамларгъа даркъатты. Олар ашадылар. Озю исе турып кетти ве Ильяскъа хызмет этип башлады.

3 Падишалар 22:7

Ехошафат кене: – Мында даа бир РАББИнинъ пейгъамбери ёкъмы экен? Ондан сорасакъ, – деди.

4 Падишалар 2:25

Мындан Эль-Яса Къармел дагъына кетти, андан Самарие шеэрине къайтты.

4 Падишалар 3:10

– Ах! Вах! – деди Исраиль падишасы. – РАББИ бу учь падишаны моавлыларнынъ элине бермек ичюн топлады.

4 Падишалар 3:12

Ехошафат: – РАББИ онен Озь эмирлерини бильдире, – деди. Сонъ Исраиль падишасы, Ехошафат ве Эдом падишасы Эль-Ясагъа кеттилер.

4 Падишалар 3:3

Амма Исраильни гуналаргъа батыргъан Неват огълу Еровоамнынъ япкъан гуналарыны о да япты, олардан вазгечмеди.

1 Тарих вакъиалары 10:13

Бойлеликнен, Шаул ольди, чюнки о, РАББИге озь садыкълыгъыны сакъламады. О, РАББИнинъ сёзлерини динълемеди ве рухларнен лакъырды эткен апайгъа суаль берди,

1 Тарих вакъиалары 14:10

Давут Алладан: – Фелестинлилерге къаршы чыкъайыммы? Оларны меним къолума берерсинъми? – деп сорады. РАББИ Давуткъа: – Чыкъ. Мен оларны сенинъ къолунъа теслим этерим, – деди.

1 Тарих вакъиалары 14:14

Давут кене Алладан сорады, ве О, бойле деди: – Оларнынъ артындан барма, лякин айланып, бака тереклери тарафындан бар.

1 Тарих вакъиалары 15:13

Бизлер кереги киби РАББИден сорамагъанымыз, сизлер биринджи кере Сандыкъны ташымагъанынъыз ичюн, РАББИ бизге пек ачувланды, – деди.

2 Тарих вакъиалары 18:6

Лякин Ехошафат кене: – Мында РАББИнинъ даа бир пейгъамбери ёкъмы экен? Ондан да сорайыкъ, – деди.

Зебур 74:9

Мына, РАББИнинъ къолунда гъазап къадеси бар, онда шарап, къокъулы къарышмаларгъа къошулып, копюрип къайнай. О, шу къадеден тёкип йибере. Ер юзюнинъ бутюн ярамайлары шарапны иче-иче, онынъ къалымтысыны биле ялап чыкъаджакълар.

Йирмея 37:17

Сонъ Цидкия адамларны ёллап, Йирмеяны кетиртти. Падиша озь сарайында: – РАББИден насылдыр хабер бармы? – деп гизлиден ондан сорады. – Бар, – деди Йирмея. – Сен Вавилон падишасынынъ къолуна тюшеджексинъ.

Амос 3:7

РАББИ-ТААЛЯ Озь ниетлерини къуллары пейгъамберлерге ачмагъандже, бир шей япмаз.

Филиплердекилерге 2:22

Амма Тимотей озюни насыл косьтергени сизлерге белли, чюнки о, огъул озь бабасынен киби, меннен берабер Къуванчлы Хаберни даркъатып, хызмет эте эди.

1 Тимотейге 5:10

Бу къадын яхшы ишлеринен белли, балаларны осьтюрген, мусафирлерни къабул эткен, азизлернинъ аякъларыны ювгъан, белягъа огърагъанларгъа ярдым эткен эм де хайырлы ишлерде гъайрет косьтерген къадын олмакъ керек.

Нун огълу Ехошуа 1:1

РАББИнинъ къулу Муса кечинген сонъ, РАББИ Мусанынъ ярдымджысына Нун огълу Ехошуагъа бойле деди:

Нун огълу Ехошуа 9:14

Исраиллилер ёллукъ ашларыны козьден кечирдилер, амма РАББИден акъыл сорамадылар.

Къадылар 20:18

Исраиллилер Бет-Эль шеэрине келип, Алладан: – Бизни Биньямин къабилесине къаршы ким алып бараджакъ? – деп сорадылар. РАББИ джевап берип: – Сизлерни Ехуда алып бараджакъ, – деди.

Къадылар 20:23

Исраиль огъуллары кетип, акъшамгъадже РАББИнинъ огюнде агъладылар ве Ондан: «Къардашларымыз биньяминлилернен дженкни девам этейикми, ёкъмы?» – деп сорадылар. РАББИ джевап берип: «Оларнен дженклешинъиз!» – деди.