4 Падишалар 22:10 - Мукъаддес Китап

¹⁰ Сонъ Шафан лафыны девам этип: – Хилкия руханий манъа бир китап берди, – деди ве оны гурь сеснен падишагъа окъуды.

4 Падишалар 22:10 ပူးပေါင်းရင်းမြစ်များ

4 Падишалар 22:11

Падиша Къанун Китабынынъ сёзлерини эшиткенинен, устюндеки урбаларыны йыртты,

4 Падишалар 22:9

Сонъ Шафан падишагъа кельди, онъа джевап берди ве: – Къулларынъ эвде тапылгъан кумюшни алдылар ве оны РАББИнинъ Сарайыны тюзеткен ишчилернинъ башлыкъларына бердилер, – деди.

2 Тарих вакъиалары 34:18

Языджы Шафан падишагъа даа: – Хилкия руханий манъа бир китап берди, – деди. Сонъ Шафан китапны падишагъа окъуды.

Нехемья 13:1

Шу куню халкъкъа сес чыкъарып Мусанынъ Китабы окъулды, ве онда аммонлылар ве моавлылар ич бир вакъыт Алланынъ джемаатына кирип оламайджагъы акъкъында язылгъаны ачылды.

Нехемья 8:18

Еди кунь девамында байрам эттилер ве эр кунь, биринджи куньден сонъки куньгедже Алланынъ Къанун Китабыны окъудылар. Секизинджи куню исе къараргъа коре байрам топлашувы яптылар.

Ешая 66:2

Къолларым бутюн буларны япты, бойле этип, эр шей пейда олды, – дей РАББИ. Лякин Мен алчакъгонъюллилерге, рухтан тюшкенлерге, сёзюм огюнде къалтырагъанларгъа бакъаджагъым.

Ешая 66:5

РАББИнинъ сёзюнден къалтырагъанлар, Онынъ сёзюни динъленъиз: – Сизни корьмеге истемеген, Адым ичюн сизни къувалагъан къардашларынъыз: «РАББИ Озюни шуретинде косьтерсин де, шенълигинъизге бакъайыкъ!» – дейлер. Амма олар масхара оладжакълар.

Йирмея 13:18

Падиша ве онынъ апайына бойле айт: – Ерге отурунъыз! Шуретинъизнинъ таджы башынъыздан тюшти.

Йирмея 36:13

Микъая Барукънынъ халкъкъа окъугъан бутюн эшиткен сёзлерини оларгъа айтып берди.

Йирмея 36:15

Олар Барукъкъа: – Отур да, бизге окъу, – дедилер. Барукъ оларгъа окъуды.

Йирмея 36:21

Падиша, бурулгъан кягъытны кетирсин деп, Ехудийни ёллады. Ехудий кягъытны Элишама языджынынъ одасындан кетирди ве падишагъа ве янында тургъан эписи башлыкъларгъа окъуды.

Йирмея 36:6

Бар да, мен санъа яздыргъан сёзлерни, РАББИнинъ айткъанларыны ораза куню РАББИнинъ Эвинде кягъыттан окъу. Сени бутюн халкъ, озь шеэрлеринден кельген эписи ехудалылар эшитсинлер.