4 Падишалар 21:3 - Мукъаддес Китап

³ О, бабасы Хизкия ёкъ эткен ибадет тёпелерини гъайрыдан тикледи, Баалгъа къурбан ерини къурды, Исраиль падишасы Ахав киби, Ашера путуна табынма дирегини ясады, коклернинъ ордусына табынды ве хызмет этти.

4 Падишалар 21:3 ပူးပေါင်းရင်းမြစ်များ

3 Падишалар 18:21

Ильяс бутюн халкъкъа якъынлашып: – Сиз даа не къадар бир ерден экинджисине чапкъалап юреджексиз? Эгер РАББИ Алла олса, Онынъ пешинден юрюнъиз. Эгер Баал олса, онынъ пешинден барынъыз, – деди. Халкъ бир сёз биле джевап къайтармады.

3 Падишалар 18:26

О, айткъаны киби, олар бир бугъаны алып азырладылар ве сабадан уйлегедже Баалны чагъырып: – Баал, бизге джевап бер! – деп къычырдылар. Лякин не бир сес эшиттилер, не де бир джевап алдылар. Сонъ олар япкъан къурбан ерининъ этрафында сычрап башладылар.

4 Падишалар 13:6

Лякин олар Исраильни гуналаргъа батыргъан Еровоамнынъ гуналарындан вазгечмедилер, гуналар япып яшадылар. Ашера путуна табынма диреги Самарие шеэринде еринде къалды.

4 Падишалар 17:16

Олар РАББИ олгъан Алласынынъ бутюн эмирлерини ред эттилер, озьлерине эки дане маденден ясалгъан бугъа ве Ашера путуна табынма дирегини яптылар, бутюн коклернинъ ордусына табындылар ве Баалгъа хызмет эттилер,

4 Падишалар 18:22

Гъалиба, сиз манъа: «Биз РАББИге, Алламызгъа ишанамыз», – дерсиз. Лякин Хизкия шу Алланынъ ибадет тёпелерини ве къурбан ерлерини ёкъ этип, бутюн Ехуда ве Ерусалим халкъына: «Тек Ерусалимдеки къурбан еринде ибадет этинъиз», – демедими?

4 Падишалар 18:4

О, ибадет тёпелерини ёкъ этти, пут ташларыны парча-парча этти, Ашера путуна табынма диреклерини кести, Муса япкъан бакъыр йыланны йыкъты. Аля шу куньлерге къадар исраиллилер онынъ огюнде къокъулы отларны якъа эдилер ве онъа «Нехуштан» дей эдилер.

4 Падишалар 8:18

О, Исраиль падишаларынынъ ёлларынен юрди, Ахавнынъ къызыны озюне апай этип алгъаны ичюн, Ахав союнынъ япкъанларыны япты. РАББИнинъ огюнде о, ярамай шейлер япты.

4 Падишалар 8:27

Ахазья Ахав союнынъ юрген ёлларындан юрди, Ахавнынъ сою киби РАББИнинъ огюнде ярамай шейлер япты, чюнки Ахавнынъ союнен догъмуш эди.

2 Тарих вакъиалары 32:12

лякин Онынъ ибадет тёпелерини ве къурбан ерлерини бозгъан Хизкия дегиль эдими? О, ехудалыларгъа ве Ерусалимге: “Тек бир дане къурбан ерининъ огюнде ибадет этинъиз ве тек онынъ устюнде къокъулы шейлерни якъынъыз”, – демедими?

2 Тарих вакъиалары 34:3

Озь падишалыгъынынъ секизинджи йылында, Ёшия даа яш йигит олгъанда, о, бабасы Давутнынъ Алласыны къыдырып башлады. Падишалыгъынынъ 12-нджи йылында исе о, Ехуданы ве Ерусалимни ибадет тёпелеринден, Ашера путуна табынма диреклеринден ве башкъа, агъачтан я да иритильген маденден япылгъан путлардан темизлеп башлады.

Эюп акъкъында китап 31:26

Парылдагъан кунешке, арекет эткен къыйметли айгъа бакъкъанда,

Ешая 65:11

Амма сизлер, РАББИден вазгечкенлер, азиз дагъымны унуткъанлар, «Къысмет» алласына софра къойгъанлар, «Такъдир» алласына савутны къокъулы шарапнен толдургъан адамлар!

Йирмея 7:30

– Ехуда огъуллары козюм огюнде яман шейлер япты, – дей РАББИ. – Адымнен адлангъан Эвимде пис шейлерни къойдылар ве оны арамладылар,

Микъа 6:16

Сизлер Омрийнинъ низамнамелерини беджере эдинъиз, Ахав эвининъ бутюн япкъанларыны япа эдинъиз, оларнынъ ишлерине коре яшай эдинъиз. Шунынъ ичюн Мен сени ёкъ этмеге, сакинлеринъни мыскъылламагъа ёл береджегим, сизлер Меним халкъым олсанъыз да, ашаланаджакъсынъыз.

Къануннынъ текрары 16:21

Алланъ олгъан РАББИ ичюн къурбан ерини къургъанынънен, янында Ашера путуна табынма диреги оларакъ ич бир терек сачма.

Къануннынъ текрары 17:2

Эгер Алланъ олгъан РАББИ санъа береджек ерлеринъде акъай я да апай Онынъ козю огюнде яманлыкъ япса ве бойле этип, Алланъ олгъан РАББИнинъ васиетини бозса,

Къануннынъ текрары 17:3

разылыгъыма къаршы башкъа аллаларгъа хызмет этип башласа, оларгъа, кунешке, айгъа я да бутюн кок ордусына табынса,

Къануннынъ текрары 20:18

Ёкъса, олар озьлерининъ аллалары ичюн эткен писликлерге сизлерни де огретирлер, ве сиз Алланъыз олгъан РАББИнинъ огюнде гуна къазанырсынъыз.

Къануннынъ текрары 4:19

Шунынъ ичюн де, кокке бакъып, кунеш, ай ве йылдызларны, – бутюн кок ордусыны корьгенинен, ёлдан урулып, оларгъа бель букип, хызмет этменъиз. Алланъыз олгъан РАББИ оларны кок тюбюнде яшагъан эписи халкълар ичюн тайинледи.