4 Падишалар 20:1 - Мукъаддес Китап

¹ Шу куньлери Хизкия агъыр хасталанып, олюм тёшегинде яткъанда, онъа Амоц огълу Ешая пейгъамбер кельди ве: – Эвинъдекилеринъе васиетинъни къалдыр. Сен оледжексинъ, тюзельмейджексинъ, – деди.

4 Падишалар 20:1 ပူးပေါင်းရင်းမြစ်များ

2 Падишалар 17:23

Ахитофел, насиаты беджерильмегенини корип, эшегини екти, азырланып ёлгъа чыкъты, шеэрине, эвине кельди, къорантасына сонъки эмирлерини берди, сонъ озь-озюни асып ольдюрди. Оны бабасынынъ къабринде дефн эттилер.

4 Падишалар 1:16

О, падишагъа: – РАББИ бойле дей: «Сен Экрон алласы олгъан Баал-Зевувдан сорамагъа эльчилер йибердинъ. Исраильнинъ Алласы ёкъмы ёкъса? Онынъ сёзюни сорамагъа мумкюн дегильми? Шунынъ ичюн яткъан тёшегинъден турмайджакъсынъ, мытлакъа оледжексинъ!» – деди.

4 Падишалар 1:4

Шунынъ ичюн РАББИ бойле дей: “Яткъан тёшегинъден турмайджакъсынъ, мытлакъа оледжексинъ!”» Бундан сонъ Ильяс кетти.

4 Падишалар 19:2

сарай башлыгъы Эльякимни, языджы Шевнаны ве баш руханийлерни чувал токъумасындан тикильген урбаларда Амоц огълу Ешая пейгъамберге ёллады.

4 Падишалар 19:20

Сонъ Амоцнынъ огълу Ешая Хизкиягъа бойле хабер ёллады: – РАББИ, Исраильнинъ Алласы бойле дей: «Ашшур падишасына Санхеривге къаршы дуваларынъны эшиттим».

4 Падишалар 20:2

Хизкия диваргъа айланып, РАББИге дува этип:

Къануннынъ текрары 31:14

Сонъ РАББИ Мусагъа: – Мына, олюм кунюнъ якъынлаша. Ехошуаны чагъыр, Корюшюв Чадырында турунъыз. Мен онъа эмир берейим, – деди. Муса ве Ехошуа келип, Корюшюв Чадырында турдылар.

Къануннынъ текрары 31:16

Сонъ РАББИ Мусагъа: – Мына тезден сен баба-деделеринъе къошуладжакъсынъ, – деди. – Бу халкъ, ороспу киби олып, кетеяткъан топракъларында эджнебий аллаларнынъ пешинден бараджакъ. Олар Мени къалдыраджакълар ве Мен оларгъа берген васиетимни бозаджакълар.

Филиплердекилерге 2:27

Керчектен де, о, олюм алында хаста эди. Амма Алла оны аджыды. Ве тек оны дегиль де, мени де аджыды, ёкъса меним дердим чокълашыр эди.

Филиплердекилерге 2:30

О, Месихке хызмет эткени ичюн, олюмге якъын эди, сизлер манъа берип оламагъан ярдымны бере ве озь джаныны аджымай эди.