4 Падишалар 2:3 - Мукъаддес Китап

³ Бет-Эльдеки пейгъамберлернинъ шегиртлери Эль-Ясанынъ огюне чыкътылар ве ондан: – Бугунь РАББИ сенинъ эфендинъни сенден аладжагъы акъкъында хаберинъ бармы? – деп сорадылар. Эль-Яса: – Меним де хаберим бар. Индеменъиз! – деди.

4 Падишалар 2:3 ပူးပေါင်းရင်းမြစ်များ

3 Падишалар 18:4

Изевель РАББИнинъ пейгъамберлерини ёкъ эткенде, Овадья юз пейгъамберни алып, оларны эллишер адам къобаларда сакълап, аш-сувнен теминлеген эди.

3 Падишалар 20:35

Бундан сонъ пейгъамберлерден бириси РАББИнинъ айткъанына коре башкъасына: – Мени ур! – деди, лякин башкъа пейгъамбер оны урмагъа разы олмады.

4 Падишалар 2:15

Узакъта тургъан Ерихондаки пейгъамберлернинъ шегиртлери онынъ япкъаныны корип: – Ильяснынъ руху Эль-Ясагъа энген, – дедилер. Сонъра онынъ къаршысына келип, ергедже бель буктилер,

4 Падишалар 2:5

Ерихондаки пейгъамберлернинъ шегиртлери Эль-Ясагъа якъынлашып, онъа: – Бугунь РАББИ эфендинъни сенден аладжагъы акъкъында хаберинъ бармы? – дедилер. О исе: – Меним де хаберим бар. Индеменъиз! – деди.

4 Падишалар 2:7

Олар экиси Иордан озенининъ янында тургъанда, элли пейгъамбер келип, оларнынъ къаршысында узакъта турдылар.

4 Падишалар 4:1

Пейгъамберлернинъ шегиртлери бирисининъ къадыны агълап, Эль-Ясагъа: – Сенинъ къулунъ олгъан меним акъайым ольди. Сен билесинъ ки, къулунъ РАББИден къоркъкъан бир инсан эди. Шимди исе онъа борджкъа берген бириси кельди де, борджу ерине эки баламны къуллукъкъа алып кетеджек ола, – деди.

4 Падишалар 4:38

Эль-Яса исе Гилгалгъа къайтты. О ерлерде ачлыкъ олды. Пейгъамберлернинъ шегиртлери Эль-Ясанен корюшмеге кельдилер. Эль-Яса хызметчисине: – Балабан къазан ал да, пейгъамберлернинъ шегиртлерине шорба пишир, – деди.

4 Падишалар 5:22

Гехазий джевап берип: – Хайырлы! Эфендим мени санъа бойле деп йиберди: «Манъа Эфраим дагълы топрагъындан эки пейгъамбер энди кельди. Оларгъа бир чувал кумюш ве эки къат урба берсе», – деди.

4 Падишалар 6:1

Пейгъамберлернинъ шегиртлери Эль-Ясагъа: – Сенинъ янынъда яшагъан еримиз бизге тарлыкъ эте.

4 Падишалар 9:1

Эль-Яса пейгъамбер, пейгъамберлернинъ бирисини чагъыртып, онъа: – Белинъни багъла, шу зейтюн ягъынен толу савутны ал да, Рамот-Гиладгъа бар.

Ешая 8:18

Мына, мен ве РАББИ манъа берген балалардыр. Биз – Сион дагъында яшагъан Ордулар РАББИсинден Исраильге берильген аляметлер ве бельгилермиз.

Амос 7:14

Амос Амацьягъа бойле джевап берди: – Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем.

Фаалиет 22:3

– Мен еудий акъайым. Киликиянынъ Тарс шеэринде догъдым, мында Гъамалиэлнинъ янында тербиелендим. Баба-деделеримизнинъ Къануны эсасында джиддий тербиеленип, бугунь бу ерде топлашкъан эпинъиз киби мен де Алланынъ истегенини гъайретнен беджермеге истей эдим.

Къануннынъ текрары 33:3

О, халкъыны керчектен севе. Эписи азизлер Сенинъ къолунъда, олар аякъларынъда топлашалар, айткъанларынъа къулакъ асалар.

1 Падишалар 10:5

Бундан сонъ фелестинлилернинъ сакъчы болюги булунгъан Алланынъ Байырына келеджексинъ. Анда шеэр ичине киргенде, ибадет тёпесинден тюшеяткъан, Алланынъ шейлерини тариф эткен пейгъамберлерни расткетиреджексинъ, оларнынъ огюнде арфа ве даре, къавал ве сантыр чалгъан адамлар оладжакълар.

1 Падишалар 19:20

Шаул хызметчилерини Давутны якъаламагъа йиберди, олар исе Алланынъ шейлерини анълаткъан пейгъамберлерни ве оларнынъ башлыгъы олгъан Смаилни корьдилер. Алланынъ Руху Шаулнынъ хызметчилерине де энди, олар да Алланынъ шейлерини анълатып башладылар.