4 Падишалар 17:31 - Мукъаддес Китап

³¹ Авва шеэринде яшагъанлар Нивхаз ве Тартакъны яптылар. Сефарваимлилер Сефарваим аллалары Адраммелек ве Анаммелек ичюн озь огъулларыны атештен кечире эдилер.

4 Падишалар 17:31 ပူးပေါင်းရင်းမြစ်များ

4 Падишалар 17:17

огълан-къызларыны атештен кечирдилер, фал бакъты ве этне эттилер, РАББИнинъ огюнде ярамай ве Оны гъазаплагъан шейлер япмагъа берильдилер.

4 Падишалар 17:24

Ашшур падишасы Вавилон, Къута, Авва, Хамат, Сефарваимден адамларны алып кетирип, оларны Исраиль огъулларынынъ ерине Самарие шеэрлеринде ерлештирди. Олар Самариени къолгъа алып, шеэрлеринде яшап башладылар.

4 Падишалар 19:37

Бир кунь, о, озюнинъ алласы Нисрок путханесинде табынгъанда, огъуллары Адраммелек ве Сарецер оны къылычнен ольдюрдилер, озьлери исе Арарат мемлекетине къачып кеттилер. Санхеривнинъ ерине огълу Эсар-Хаддон падиша олды.

Узеир 4:9

«Баш буюрыджы Рехум, кятип Шимшай ве оларнынъ аркъадашлары – къадылар, башлыкълар, акимлер, хызметчилер, Эрек шеэри халкъы, вавилонлылар, Шушан шеэри халкъы, дахавалылар, эламлылар

Йирмея 2:28

Къана, озьлеринъизге япкъан аллаларынъыз къайда? Беля кельгенде, сизни къуртарып олсалар, айды, турсунлар! Шеэрлеринъиз не къадар олса, о къадар аллаларынъыз да бар, эй, Ехуда!

Левийлилер 18:21

Эвлятларынъны атештен кечирип, Молек путуна берме ве бунынънен Алланънынъ Адыны яманлама. Мен – РАББИм.

Къануннынъ текрары 12:28

Мен санъа буюргъан эписи сёзлеримни динълеп тут. Алланъ олгъан РАББИнинъ козюнде яхшылыкъ ве догърулыкъ этсенъ, санъа ве сенинъ эвлятларынъа эбедиен яхшы олур.

Къануннынъ текрары 12:31

Алланъ олгъан РАББИге олар киби ибадет этме. Олар аллаларына РАББИге пис олгъан ве кореджек козю олмагъан шейлерни япалар, озь аллалары ичюн огъулларыны ве къызларыны атеште якъалар.