4 Падишалар 17:23 - Мукъаддес Китап

²³ Сонъунда РАББИ, Озь къуллары пейгъамберлеринен эвель айткъаны киби, исраиллилерни огюнден къувды, исраиллилерни озь топракъларындан Ашшургъа сюргюн этти. Олар бугуньге къадар анда къалмакъталар.

4 Падишалар 17:23 ပူးပေါင်းရင်းမြစ်များ

3 Падишалар 13:2

Алланынъ адамы къурбан ерине айланып, РАББИнинъ сёзлерини айтып башлады: – Эй, къурбан ери! Эй, къурбан ери! РАББИ бойле дей: «Давут союнда бир бала догъаджакъ, ады Ёшия. О, сенинъ устюнъде къокъулы отлар якъкъан ибадет тёпелерининъ руханийлерини къурбан чаладжакъ, сенинъ устюнъде инсан кемиклери якъыладжакъ».

3 Падишалар 14:16

Еровоамнынъ гуналары ичюн ве Исраильни гуналаргъа батыргъаны ичюн, РАББИ Исраильни душманларынынъ къолларына береджек», – деди.

3 Падишалар 9:7

Мен Исраильни ер юзюнден, онъа берген топракътан ёкъ этерим, Меним Намым ичюн азиз эткен Сарайны да огюмден терк этерим. Сонъ эписи халкълар Исраильни мыскъыллап, онынъ акъкъында икяелер этеджеклер.

4 Падишалар 13:23

Лякин РАББИ оларны аджып, мерамет эйледи. Ибраим, Исхакъ ве Якъупкъа берген васиети ичюн, исраиллилерни ёкъ этмеге истемеди ве Озюнден бугуньгедже ред этмеди.

4 Падишалар 17:13

О заман РАББИ Исраильни ве Ехуданы Озюнинъ бутюн пейгъамберлеринен ве гизли шейлерни бильген эр бир адамнен сакъындырып: «Ярамай ёлларынъыздан вазгечинъиз, Къанунда язылгъан Меним эмирлеримни ве низамнамелеримни тутунъыз. Мен бу Къанунны баба-деделеринъизге буюрдым, къулларым олгъан пейгъамберлернинъ ярдымынен оны сизге огреттим», – дей эди.

4 Падишалар 17:18

Шунынъ ичюн РАББИ исраиллилерге пек гъазапланды, оларны огюнден къувалады. Тек Ехуда къабилесинден гъайры кимсени къалдырмады.

4 Падишалар 17:20

Шунынъ ичюн РАББИ бутюн Исраиль несилини ред этти, оларны джезалады, айдутларнынъ къолларына берди ве энъ сонъунда оларны огюнден къувды.

4 Падишалар 17:22

Исраиллилер эр бир Еровоамнынъ гуналы ёлларындан юрдилер ве олардан вазгечмедилер.

4 Падишалар 17:6

Хошеа докъузынджы йыл падишалыкъ эткенде, Ашшур падишасы Самарие шеэрини къолгъа алды ве исраиллилерни Ашшур мемлекетине сюргюн этти, оларны Халах еринде, Гозаннынъ озени янындаки Хаворда ве мадайлыларнынъ шеэрлеринде ерлештирди.

4 Падишалар 21:14

Мен шахсий мулькюмнинъ сонъки мирасымны алырым ве оны душманларына берерим. Душманларынынъ эписи оны чайпап сыдырырлар.

4 Падишалар 23:27

РАББИ: – Исраильни ред эткеним киби, Ехуданы да огюмден ред этерим. Мен сайлагъан бу шеэрден де, Ерусалим шеэринден ве «Меним Намым анда оладжакъ», – деген Сарайындан да вазгечерим, – деди.

4 Падишалар 24:3

Бутюн бу шейлер РАББИнинъ эмирине коре Ехуданынъ башына тюшти, чюнки Менашшенинъ япкъан гуна ишлери ичюн РАББИ Ехудадан вазгечти.

4 Падишалар 25:21

Вавилон падишасы оларны Хамат топракъларындаки Ривлада ольдюрди. Бойледже, ехудалылар озь топракъларындан сюргюн этильди.

4 Падишалар 3:3

Амма Исраильни гуналаргъа батыргъан Неват огълу Еровоамнынъ япкъан гуналарыны о да япты, олардан вазгечмеди.

Нехемья 9:32

Шимди исе, Алламыз, улу, кучьлю ве къоркъунчлы, васиетинъни сакълагъан ве бизни чокъ севген Алла! Биз, падишаларымыз, мырзаларымыз, руханийлеримиз, пейгъамберлеримиз, баба-деделеримиз – Ашшур падишаларнынъ кунюнден башлап шимдики замангъадже азап чектилер. Бу азаплар Сенинъ козюнъде аз корюнмесин!

Ешая 7:8

Дамаск шеэри – Арамнынъ баш шеэри, Дамаскнынъ башы исе – Рецин. Алтмыш беш йыл кечкен сонъ, Эфраим деген халкъ ер юзюнде олмайджакъ.

Йирмея 52:3

РАББИ Ерусалимге ве Ехудагъа гъазаплангъаны ичюн, оларны Озюнден ред этти. Цидкия Вавилон падишасына къаршы котерильди.

Йирмея 7:15

эписи къардашларынъыздан, Эфраимнинъ бутюн эвлятларындан насыл вазгечкен олсам, сизлерден де вазгечеджегим.

Хошеа 12:3

Якъуп ана къурсагъында биле къардашыны тепти, буюген сонъ исе Алланен курешти.

Амос 5:27

Шунынъ ичюн Мен сизни Дамасктан узакъ ерге сюргюн этеджегим, – дей РАББИ. Онынъ Ады – Ордуларнынъ Алласыдыр!

Микъа 1:5

Буларнынъ эписи Якъупнынъ яман ишлери ичюн, Исраиль эвининъ гуналары ичюн оладжакъ. Якъуп нечюн яман ишлер япты? Бунынъ себепчиси Самарие дегиль эдими? Ехудада ибадет тёпелерини ким къурды? Ерусалим дегильми?

Микъа 1:6

Шунынъ ичюн Самариени ачыкъ чёльдеки чёплюк обасына чевиреджегим, оны юзюм сачыладжакъ ер япарым, онынъ ташларыны вадийге ташларым ве шеэрнинъ диварларыны темеллерине къадар бозарым.

Микъа 2:5

Шу себептен РАББИнинъ халкъы топлашкъанда, топракъ пайы ичюн джереп чекеджек адамынъыз олмаз.

Къануннынъ текрары 32:20

«Бетимни олардан гизлерим, – деди О. – Сонъ аллары не оладжакъ бакъарым. Олар – бозукъ несиль, садыкъ олмагъан балалардыр.

Нун огълу Ехошуа 23:13

буны билинъиз: Алланъыз олгъан РАББИ бу халкъларны сизден бир даа къуваламаз. Олар сиз ичюн къапкъан ве тузакъ, аркъаларынъызгъа къамчы, козьлеринъизге тикен киби оладжакълар. Сиз Алланъыз олгъан РАББИ сизге берген яхшы топракътан къуру къаладжакъсыз ве ёкъ этиледжексиз.

Къадылар 18:30

Дан огъуллары озьлерине иритильген маденден япылгъан эйкельчикни къойдылар. Шу ерлерден кочип кеткендже, Менашше огълунынъ Гершом огълу Ехонатан ве онынъ огъуллары Дан къабилесининъ руханийлери олдылар.