4 Падишалар 16:8 - Мукъаддес Китап

⁸ Сонъ Ахаз РАББИнинъ Сарайында ве падиша сарайындаки хазинелеринде тапылгъан алтын-кумюшлерни алып, оларны Ашшур падишасына бахшыш оларакъ ёллады.

4 Падишалар 16:8 ပူးပေါင်းရင်းမြစ်များ

4 Падишалар 12:19

Ёаш акъкъындаки башкъа шейлер, онынъ япкъан ишлери Ехуда падишаларынынъ тарихы китабында язылгъандыр.

4 Падишалар 15:19

О вакъыт Исраиль топракъларына Ашшур падишасы Пул кельди. Менахем, Пулнынъ ярдымы ичюн ве падишалыкъны озь элинде къавийдже тутмакъ ичюн, Пулгъа 1 000 чувал кумюш берди.

4 Падишалар 17:3

Ашшур падишасы Шалманесер Хошеагъа къаршы дженкке чыкъты, ве Хошеа, онынъ къулу олып, берги тёлемеге башлады.

2 Тарих вакъиалары 16:2

Аса, РАББИ Сарайынынъ хазинелеринде ве падиша сарайынынъ хазинесинде олгъан кумюшни ве алтынны алып, оларны Дамаск шеэринде яшагъан Арамнынъ падишасы Бен-Хададгъа йиберди. Аса онъа:

Ешая 2:6

Сен, РАББИ, халкъынъны, Якъупнынъ эвини терк эттинъ, чюнки олар куньдогъуштакилерден пек чокъ шейни озьлерине адет эттилер. Фелестинлилерде олгъаны дайын, оларда аляметлерни бакъып келеджекни айткъанлар пейда олды, ябанджы огъланларнен аралары якъын.

Ешая 7:17

Лякин РАББИ санъа, халкъынъа ве бабанънынъ союна агъыр куньлерни берип, санъа Ашшурнынъ падишасыны алып кетиреджек. Эфраим Ехудадан айырылгъан заманындан берли ойле агъыр дегиль эди.

Микъа 1:14

Шунынъ ичюн сен сагълыкълашкъанда, Морешет-Гъат шеэрине бахшышлар йибереджексинъ, Акъзив шеэри Исраиль падишаларыны алдатаджакъ.