4 Падишалар 15:14 - Мукъаддес Китап

¹⁴ Гъадий огълу Менахем Тирцадан чыкъып, Самариеге кельди. О, Самарие шеэринде Явеш огълу Шаллумгъа къаршы чыкъып, оны ольдюрди ве онынъ ерине падиша олды.

4 Падишалар 15:14 ပူးပေါင်းရင်းမြစ်များ

3 Падишалар 14:17

Сонъ Еровоамнынъ къадыны кетти ве Тирцагъа барды. Эвининъ босагъасыны басар-басмаз, баласы ольди.

3 Падишалар 15:21

Бааша буны эшитип, Раманы къавийлештирмеге токътады ве Тирцагъа къайтты.

3 Падишалар 15:33

Ехуда падишасы Аса учюнджи йылы падишалыкъ эткенде, Ахия огълу Бааша Тирца шеэринде бутюн Исраильнинъ падишасы олды ве 24 йыл падишалыкъ япты.

3 Падишалар 16:15

Ехуда падишасы Аса 27-нджи йылы падишалыкъ эткенде, Зимрий падиша олды ве Тирца шеэринде еди кунь падишалыкъ япты. Шу вакъыт орду фелестинлилернинъ Гиббетон шеэрини алкъада тута эди.

3 Падишалар 16:17

Сонъ Омрий ве эписи исраиллилер Гиббетон шеэринден кетип, Тирца шеэрини алкъагъа алдылар.

4 Падишалар 15:10

Явеш огълу Шаллум онъа къаршы фитнеджилик япты ве оны халкънынъ огюнде ольдюрди. Озю исе онынъ ерине падиша олды.

4 Падишалар 15:15

Шаллум акъкъында башкъа шейлер, онынъ япкъан фитнелери акъкъында Исраиль падишаларынынъ тарихы китабында язылгъандыр.

4 Падишалар 15:17

Азарья Ехудада 39-ынджы йыл падишалыкъ эткенде, Гъадий огълу Менахем Исраильнинъ падишасы олды ве Самарие шеэринде он йыл девамында падишалыкъ этти.