4 Падишалар 15:12 - Мукъаддес Китап

¹² Бойлеликнен, РАББИ Ехунен: «Огъулларынъ дёртюнджи несилине къадар Исраиль тахтында отураджакълар», – деген сёзлери ерине кельди.

4 Падишалар 15:12 ပူးပေါင်းရင်းမြစ်များ

4 Падишалар 10:10

Билинъиз ки, РАББИ Ахавнынъ сою акъкъында айткъан эр бир сёз ерине келир. РАББИ озюнинъ къулу Ильяснен айткъан эр бир шейини япты, – деди.

4 Падишалар 10:30

РАББИ Ехугъа: – Меним огюмде догъру иш яптынъ. Ахав сою акъкъында Меним юрегимде олгъан эписи истеклеримни ерине кетирдинъ. Шунынъ ичюн огъулларынъ дёртюнджи несилине къадар Исраиль тахтында отураджакълар, – деди.

4 Падишалар 13:1

Ахазьянынъ огълу Ёаш Ехудада 23-юнджи йыл падишалыкъ эткенде, Ехунынъ огълу Ехоахаз Исраиль падишасы олды. О, 17 йыл девамында Самарие шеэринде падишалыкъ этти.

4 Падишалар 13:10

Ёаш Ехудада 37-нджи йыл падишалыкъ эткенде, Ехоахазнынъ огълу Ёаш Исраиль падишасы олды. О, Самарие шеэринде 16 йыл девамында падишалыкъ япты.

4 Падишалар 13:13

Ёаш кечинип, баба-деделерине къошулды, ве онынъ тахтына Еровоам кечти. Ёаш исе Исраиль падишаларынынъ къабринде Самарие шеэринде дефн этильди.

4 Падишалар 14:29

Еровоам кечинип, Исраильнинъ падишалары олгъан баба-деделерине къошулды. Онынъ ерине огълу Зекъарья падиша олды.

4 Падишалар 15:11

Зекъарья акъкъында башкъа шейлер Исраиль падишаларынынъ тарихы китабында язылгъандыр.

Зекерья 1:6

Лякин Мен къулларыма пейгъамберлерге айткъан сёзлерим ве буюргъан низамнамелерим деделеринъизнинъ яшайышларында беджерильди. О вакъыт олар Манъа тёвбенен къайтып: «Ордуларнынъ РАББИси бизни яшайыш ёлларымыз ичюн ве япкъан ишлеримиз ичюн джезалады», – дедилер.

Сайылар 23:19

Алла адам дегиль, О, ялан сёйлемез. Алла инсан огълу дегиль. О, тюшюнджесини денъиштирмез. Айтып да, япмазмы? Сёз берип де, ерине кетирмезми?

Марк 13:31

Кок ве ер из къалдырмайып кечерлер, лякин Меним сёзлерим кечмез.

Юхан 10:35

Алланынъ Сёзю кельген адамлар «аллалар» деп адландырылгъан эди. Мукъаддес Язы исе бозулмаз.

Юхан 19:24

Аскерлер бир-бирине: – Буны йыртмайыкъ, о ичюн джереп чекейик, кимге тюшсе, онынъки олсун, – дедилер. Шунынънен, Язынынъ сёзлери: «Урбаларымны озьара болелер, кийимлерим ичюн джереп чекелер», – беджерильмек керек эди. Аскерлер бойле де яптылар.

Фаалиет 1:16

– Дин къардашларымыз! Мукъаддес Рухнынъ Иуда акъкъында Давутнен эвельден берильген Язынынъ хабери беджерильмек керек эди. Бу Иуда биримиз олып, бизнен берабер хызмет этмеге къысметни алды. Амма сонъ Исаны якъалагъанларгъа ёл косьтерди.

1 Падишалар 3:19

Смаил буюгенде, РАББИ онынъ янында эди ве онынъ эр бир айткъан сёзюни беджерди.