4 Падишалар 14:9 - Мукъаддес Китап

⁹ Исраиль падишасы Ёаш исе Ехуда падишасы Амацьягъа джевап йиберип: – Ливанда оськен когем Ливанда оськен кедр терегине: «Къызынъны огълума апай оларакъ бер», – деген. Лякин Ливандаки кийик айванлар кельген де, шу когемни таптагъанлар.

4 Падишалар 14:9 ပူးပေါင်းရင်းမြစ်များ

3 Падишалар 4:33

О, тереклер акъкъында, Ливанда оськен кедр терегинден башлап, диварлардан оськен эзов отунадже айта эди, айванлар ве къушлар акъкъында, сюйрелип юрген махлюкълар ве балыкълар акъкъында айта эди.

2 Тарих вакъиалары 25:18

Исраильнинъ падишасы Ёаш исе Ехуданынъ падишасы Амацьягъа бойле джевап йиберди: – Ливанда оськен когем Ливанда оськен кедр терегине бойле хабер йиберген: «Къызынъны апай оларакъ меним огълума бер». Лякин Ливандаки кийик айванлар кельген де, шу когемни таптагъанлар.

2 Тарих вакъиалары 33:11

Шунынъ ичюн РАББИ Ашшур падишасынынъ орду башлыкъларыны ёллады. Олар Менашшени тутып алдылар да, зынджырларнен ве бакъыр бугъавларнен багъладылар ве Вавилонгъа алып бардылар.

Эюп акъкъында китап 31:18

Балалыгъындан берли мен оксюзлерге баба киби олып, оларны осьтюрдим, догъгъанымдан берли тул къадынгъа ёл косьтердим.

Чыкъыш 3:2

Тикенли чалынынъ ортасындан онъа атешнинъ алевинде РАББИнинъ Мелеги пейда олды. Муса тикенли чалы атешнен янгъаныны, амма янып битмегенини корьди.

Икметли сёзлер 26:9

Акъылсызнынъ агъзындан чыкъкъан икметли сёз – сархошнынъ къолундаки когемлик киби.

Энъ яхшы йыр 2:2

– Ярем къызларнынъ арасында – тикенлик арасында бир занбакъ кибидир.

Ешая 34:13

Сарайларында тикенли осюмликлер, къавийлештирильген шеэрлерде къыджыткъан ве кийик отлар оседжек. О ер шакъалларнынъ яшагъан ери, девекъушуларнынъ юрту оладжакъ.

Ехезкель 20:49

Мен айттым: – Ах, РАББИ-ТААЛЯ! Олар манъа: «О, тек икяелер айтып бере!» – дейлер.

Хошеа 9:6

Бутюнлей ёкъ олмакътан къуртулмагъа чаре тапсалар биле, Мысыр мемлекети оларны топлайджакъ, онынъ баш шеэри Ноф оларны комеджек. Кийик отлар къыйметли кумюш эшьяларыны сараджакъ, когемлик чадырларыны басаджакъ.

1 Коринтлилерге 12:15

Эгер аякъ: «Мен къол дегилим, шунынъ ичюн беденнинъ къысмы да дегилим», – десе, о, беденден айры олурмы?

1 Падишалар 13:6

Исраиллилер агъыр алгъа тюшкенлерини ве хавфлы вазиетте къалгъанларыны анълап, къоба ве дагъларда, къаялар арасында, къазылгъан чукъурларда ве къуюларда сакъланмагъа башладылар.