4 Падишалар 14:23 - Мукъаддес Китап

²³ Ёаш огълу Амацья Ехудада 15-инджи йыл падишалыкъ эткенде, Ёаш огълу Еровоам Исраильнинъ падишасы олды. О, 41 йыл девамында Самарие шеэринде падишалыкъ этти.

4 Падишалар 14:23 ပူးပေါင်းရင်းမြစ်များ

Амос 1:1

Амоснынъ пейгъамберлик сёзлери. О, Текъоя шеэринде бир айванасравджы эди. Амос Ехуда падишасы Уззиянынъ куньлеринде ве Исраиль падишасы Ёашнынъ огълу Еровоам куньлеринде, зельзеледен эки йыл эвельси, Исраиль акъкъында руялар корьди.

Хошеа 1:1

Уззия, Ётам, Ахаз ве Хизкия Ехудада падишалыкъ япкъанда, Ёашнынъ огълу Еровоам Исраильде падиша олгъанда, Беэрийнинъ огълу Хошеагъа РАББИнинъ бойле хабери кельди.

4 Падишалар 14:27

РАББИ исраиллилернинъ адыны ер юзюнден сильмеге истемеди ве оларны Ёаш огълу Еровоамнынъ къолунен къуртарды.

4 Падишалар 14:22

Бабасы кечинип, баба-деделерине къошулгъан сонъ, Азарья Элат шеэрини гъайрыдан къурып, оны Ехудагъа къайтарып берди.

4 Падишалар 14:24

О, РАББИнинъ огюнде ярамай шейлер япты: Исраильни гуналаргъа батыргъан Неват огълу Еровоамнынъ эписи гуналарындан вазгечмеди.

4 Падишалар 10:30

РАББИ Ехугъа: – Меним огюмде догъру иш яптынъ. Ахав сою акъкъында Меним юрегимде олгъан эписи истеклеримни ерине кетирдинъ. Шунынъ ичюн огъулларынъ дёртюнджи несилине къадар Исраиль тахтында отураджакълар, – деди.

4 Падишалар 13:13

Ёаш кечинип, баба-деделерине къошулды, ве онынъ тахтына Еровоам кечти. Ёаш исе Исраиль падишаларынынъ къабринде Самарие шеэринде дефн этильди.

4 Падишалар 14:1

Ехоахаз огълу Ёаш Исраильде экинджи йыл падишалыкъ эткенде, Ёаш огълу Амацья Ехуда падишасы олды.

4 Падишалар 14:15

Ёашнынъ башкъа япкъан ишлери, онынъ къараманлыгъы, онынъ Ехуда падишасы Амацьянен дженки акъкъында Исраиль падишаларынынъ тарихы китабында язылгъандыр.

4 Падишалар 14:16

Ёаш кечинип, баба-деделерине къошулды ве Исраиль падишаларынынъ къабринде Самарие шеэринде дефн этильди. Онынъ ерине огълу Еровоам падиша олды.

4 Падишалар 15:1

Еровоам Исраильде 27-нджи йыл падишалыкъ эткенде, Амацья огълу Азарья Ехуда падишасы олды.

1 Тарих вакъиалары 5:17

Бутюн бу адамларнынъ адлары Ётам ве Еровоамнынъ заманларында несиллернинъ джедвелинде язылгъан эди. Ётам Ехуданынъ падишасы эди, Еровоам исе Исраильнинъ падишасы эди.