4 Падишалар 13:7 - Мукъаддес Китап

⁷ Ехоахазнынъ ордусындан тек 50 атлысы, 10 дженк арабасы ве 10 000 джаяв аскери къалгъан эди, чюнки Арамнынъ падишасы оларны топракъ тозуны киби таптап, ордусыны ёкъ этти.

4 Падишалар 13:7 ပူးပေါင်းရင်းမြစ်များ

2 Падишалар 22:43

Мен оларны тозгъа айландырам, ердеки топракъ киби япам, сокъакъ чамурыны киби таптап эзем.

3 Падишалар 20:15

Ахав виляет башлыкъларынынъ хызметчилерини сайып чыкъты, олар 232 киши эди. Олардан сонъ бутюн халкъны, Исраильнинъ огъулларыны сайып чыкъты, олар 7 000 киши эди.

3 Падишалар 20:27

Исраиль огъуллары да топланып, аш-сув алып, арамлыларнынъ къаршысына чыкътылар. Исраиль огъуллары ордуларыны арамлыларнынъ огюнде ерлештирдилер. Исраильнинъ ордусы эки уфакъ эчки сюрюси киби эди, арамлылар исе бутюн орталыкъны толдурдылар.

4 Падишалар 10:32

О куньлерде РАББИ Исраиль топрагъыны эксильтип башлады. Хазаэл бутюн Исраиль сынъыры бою исраиллилерге уджюм этти:

4 Падишалар 13:8

Ехоахазнынъ башкъа ишлери, онынъ эписи япкъан шейлери ве онынъ къараманлыгъы акъкъында Исраиль падишаларынынъ тарихы китабында язылгъандыр.

4 Падишалар 8:12

Хазаэл ондан: – Эфендим не ичюн агълай? – деп сорады. Эль-Яса исе: – Мен Исраиль огъулларына не къадар агъыр беля кетиреджегинъни билем. Сен оларнынъ къалелерини якъаджакъсынъ, яшларыны къылычнен ольдюреджексинъ, балаларыны парча-кесек этеджексинъ, юклю къадынларыны къылычнен экиге боледжексинъ, – деди.

Ешая 36:8

Шимди эфендимнен Ашшур падишасынен анълашсанъ ве мен санъа эки бинъ ат берсем, оларнынъ устюне атлылар тапып олурсынъмы?

Ешая 41:2

Куньдогъуштан Алланынъ адалетини беджерген бирини ким алып кетирди? Ким оны артындан кетмек ичюн чагъырды? Ким онъа миллетлерни берди ве падишаларны бойсундырды? О, оларны къылычнен тозгъа чевирди, окънен ель савургъан тобангъа айландырды.

Ёэль 3:14

Укюм чыкъарылгъан вадийинде – адам сюрюлери, РАББИнинъ куню укюм чыкъарыладжакъ ерге якъынлашты!

Левийлилер 26:17

Сизге къаршы чыкъаджагъым, ве сиз душманларынъызнынъ къолундан оледжексинъиз. Сизни кореджек козьлери олмагъанлар сизге эфендилик этеджеклер. Артынъыздан кимсе къуваламагъан вакътында къачаджакъсынъыз.

Амос 1:3

РАББИ бойле дей: – Гуна устюне гуна къазангъанлары ичюн, Дамаскта яшагъанларны мытлакъа джезалайджагъым. Чюнки олар Гилад халкъына, ашлыкъны демир алетлернен бастыргъан дайын, шефкъатсыз янаштылар.

Амос 4:10

– Мысырда яшагъанларгъа киби, сизге йыкъыджы хасталыкъны ёлладым, йигитлеринъизни къылычнен ольдюре эдим, атларынъызны душман къолуна бердим, бурунларынъыз ордуларынъыздаки олю беденлернинъ яман къокъуларыны дуйды, лякин сиз Манъа къайтмадынъыз, – дей РАББИ.

1 Падишалар 13:15

Сонъ Смаил турды, Гилгалдан чыкъып, Биньяминнинъ Гивасына кетти. Шаул исе, озюнен берабер олгъан халкъны сайып, 600 адам эсаплады.