4 Падишалар 13:19 - Мукъаддес Китап

¹⁹ Алланынъ адамы онъа ачувланып: – Беш-алты кере ургъан олсанъ, арамлыларны бутюнлей ёкъ этеджек эдинъ, шимди исе арамлыларны тек учь кере енъеджексинъ! – деди.

4 Падишалар 13:19 ပူးပေါင်းရင်းမြစ်များ

4 Падишалар 13:18

Сонъ Эль-Яса: – Окъларны ал, – деди. Падиша окъларны алды. Сонъ Эль-Яса Исраиль падишасына: – Ерге ур, – деди. О, учь кере ерге урып токътады.

4 Падишалар 13:25

Хазаэлнинъ огълу Бен-Хадад Ехоахаздан дженкте Исраильнинъ бир къач шеэрлерини запт этти. Ехоахазнынъ огълу Ёаш исе Бен-Хададгъа къаршы дженк этип, шу шеэрлерни къайтарды. Ёаш оны учь кере енъди ве Исраиль шеэрлерини кери къайтарды.

4 Падишалар 4:16

Эль-Яса онъа: – Бир йыл кечкен сонъ, тамам шу вакъытта сен къолунъда огълунъны тутаджакъсынъ, – деди. Къадын исе: – Ёкъ, эфендим! Алланынъ адамы, мени, къулунъны, алдатма! – деди.

4 Падишалар 4:40

Аш адамларнынъ огюне къоюлды. Лякин олар шорбаны ашап башлагъанындан сонъ, шамата котердилер ве: – Алланынъ адамы! Къазаннынъ ичинде олюм бар! – деп, ашап оламадылар.

4 Падишалар 5:20

Алланынъ адамы Эль-Ясанынъ хызметчиси Гехазий бойле тюшюнди: «Мына эфендим шу арамлы Нааман кетирген шейлерини онынъ къолундан алмады. РАББИнинъ огюнде ант этем: шимди артындан чапарым да, ондан бир шей алырым!»

4 Падишалар 6:9

Алланынъ адамы Исраиль падишасына бойле хаберни йиберди: «Сакъын, шу ерден кечме, чюнки анда арамлылар баралар».

Йирмея 48:10

РАББИнинъ ишини абул-къубул эткен лянет олсун! Къан тёкмектен къылычыны токътаткъан да лянет олсун!

Левийлилер 10:16

Муса гуна ичюн къурбан оларакъ кетиреледжек текени къыдырып башлады, лякин теке энди якъылгъан эди. Муса Харуннынъ къалгъан огъулларына Элазаргъа ве Итамаргъа пек ачувланды.

Сайылар 16:15

Муса зияде ачувланып, РАББИге: – Оларнынъ бахшышларына эмиет берме. Мен оларнынъ биринден эшек биле алмадым, оларнынъ бирине бир тюрлю яманлыкъ биле япмадым, – деди.

Марк 10:14

Иса буны корьгенде, ачувланып: – Балаларгъа Манъа кельмеге ёл ачынъыз, оларны токътатманъыз. Алланынъ Падишалыгъы оларнынъкидир.

Марк 3:5

Иса адамларнынъ о къадар таш юрекли олгъанларына къайгъырып, этрафына кедер ве ачувнен бакъты. Къолу сакъат адамгъа исе: – Къолунъны узат! – деди. О, сакъат къолуны узаткъанынен, къолу тюзельди.

Марк 6:5

Анда ич бир аджайип шей яраталмады. Тек бир къач хастагъа къолларыны тийдирип, оларны сагълам этти.