4 Падишалар 13:13 - Мукъаддес Китап

¹³ Ёаш кечинип, баба-деделерине къошулды, ве онынъ тахтына Еровоам кечти. Ёаш исе Исраиль падишаларынынъ къабринде Самарие шеэринде дефн этильди.

4 Падишалар 13:13 ပူးပေါင်းရင်းမြစ်များ

2 Падишалар 7:12

О: «Эджелинъ келип, сен баба-деделеринънинъ къабиринде дефн этильген сонъ, Мен сенден догъгъан эвлядынъны падиша этерим ве падишалыгъына кучь-къувет берерим.

3 Падишалар 1:21

Ойле олмаса, падиша-эфендилерим баба-деделери кеткен ерге кеткенинден сонъ, мени ве огълум Сулейманны къабаатлайджакълар, – деди.

3 Падишалар 11:31

Сонъ Еровоамгъа берип: – Озюнъе он парчасыны ал, чюнки РАББИ, Исраильнинъ Алласы шойле деди: «Мына Мен Сулейманнынъ элинден падишалыкъны тартып алам ве санъа он къабилени берем.

3 Падишалар 2:10

Давут баба-деделерине къошулды ве Давут Шеэринде дефн этильди.

4 Падишалар 13:12

Ёаш акъкъында башкъа шейлери, онынъ эписи япкъан ишлери, онынъ къараманлыгъы ве Ехуда падишасы олгъан Амацьягъа къаршы дженки акъкъында Исраиль падишаларынынъ тарихы китабында язылгъандыр.

4 Падишалар 13:14

Эль-Яса хаста эди. Шу хасталыкъ сонъра онъа олюм кетирди. Исраиль падишасы Ёаш онъа келип агълады ве: – Бабам, бабам! Исраильнинъ арабасы ве атлылары! – деди.

4 Падишалар 13:9

Ехоахаз кечинип, баба-деделерине къошулды ве Самарие шеэринде дефн этильди. Онынъ еринде огълу Ёаш падиша олды.

4 Падишалар 14:15

Ёашнынъ башкъа япкъан ишлери, онынъ къараманлыгъы, онынъ Ехуда падишасы Амацьянен дженки акъкъында Исраиль падишаларынынъ тарихы китабында язылгъандыр.

4 Падишалар 14:23

Ёаш огълу Амацья Ехудада 15-инджи йыл падишалыкъ эткенде, Ёаш огълу Еровоам Исраильнинъ падишасы олды. О, 41 йыл девамында Самарие шеэринде падишалыкъ этти.

4 Падишалар 15:12

Бойлеликнен, РАББИ Ехунен: «Огъулларынъ дёртюнджи несилине къадар Исраиль тахтында отураджакълар», – деген сёзлери ерине кельди.

Хошеа 1:1

Уззия, Ётам, Ахаз ве Хизкия Ехудада падишалыкъ япкъанда, Ёашнынъ огълу Еровоам Исраильде падиша олгъанда, Беэрийнинъ огълу Хошеагъа РАББИнинъ бойле хабери кельди.