4 Падишалар 12:1 - Мукъаддес Китап

¹ Еху единджи йыл падишалыкъ эткенде, Ёаш падиша олды ве Ерусалимде къыркъ йыл девамында падишалыкъ этти. Анасы – Беэр-Шева шеэринден олгъан Цивья.

4 Падишалар 12:1 ပူးပေါင်းရင်းမြစ်များ

Башланув 21:14

Ибраим саба эрте турып, отьмек ве сувгъа толу мешин торба алып, Хагъаргъа берди ве онынъ омузларына къойды. Огълуны да онъа берди ве: «Кет», – деди. Хагъар кетип, Беэр-Шева сахрасында долашты.

4 Падишалар 11:21

Ёаш падиша олгъанда, еди яшында эди.

4 Падишалар 12:2

Руханий Ехояда онъа огреткенине коре, Ёаш омюрбилля РАББИнинъ огюнде догъру ишлер япып яшады.

4 Падишалар 13:1

Ахазьянынъ огълу Ёаш Ехудада 23-юнджи йыл падишалыкъ эткенде, Ехунынъ огълу Ехоахаз Исраиль падишасы олды. О, 17 йыл девамында Самарие шеэринде падишалыкъ этти.

4 Падишалар 13:10

Ёаш Ехудада 37-нджи йыл падишалыкъ эткенде, Ехоахазнынъ огълу Ёаш Исраиль падишасы олды. О, Самарие шеэринде 16 йыл девамында падишалыкъ япты.

4 Падишалар 9:27

Ехуда падишасы Ахазья бутюн буларны корип, Бет-Хагъгъангъа догъру чапып кетти. Еху онынъ пешинден къувалап буюрды: – Оны да урунъыз! Ахазьяны, Ивлеам янындаки Гур тёпесине арабасында котерилеяткъанда яраладылар. О, Мегиддо ерине къачып кетти, анда да ольди.

1 Тарих вакъиалары 3:11

Ехошафатнынъ огълу Ехорам. Ехорамнынъ огълу Ахазья. Ахазьянынъ огълу исе Ёаш эди.