4 Падишалар 11:16 - Мукъаддес Китап

¹⁶ Атальяны тутты. Атлар кирген къапудан о, падиша эвине кечти ве анда ольдюрильди.

4 Падишалар 11:16 ပူးပေါင်းရင်းမြစ်များ

Башланув 9:6

Адам Алланынъ къыяфетине коре яратылгъаны ичюн, эгер бирев адамнынъ къаныны тёксе, онынъ къаныны да адам тёксюн.

4 Падишалар 11:15

Руханий Ехояда, ордугъа ёлбашчылыкъ япкъан юзбашыларгъа: – Оны Сарайдан къаравулларгъа чыкъарынъыз. Онынъ артындан бир кимсе кетсе, къылычнен ольдюринъиз, – деп буюрды, чюнки руханий онынъ РАББИнинъ Сарайында ольдюрильмесини истемеди.

2 Тарих вакъиалары 23:15

Атальяны туттылар. О, падиша эвининъ Атлар къапусындан киргенде, оны анда ольдюрдилер.

Нехемья 3:28

Атлар Къапусындан сонъ руханийлер озь эвининъ къаршысындаки диварны озьлери тюзеттилер.

Йирмея 31:40

Олюлерге ве кульге толу бутюн вадийи, Кидрон озенине баргъандже бутюн тарлалар, куньдогъушта олгъан Атлар Къапусынынъ кошесине къадар РАББИнинъ азизлиги оладжакъ. Омюрбилля харап олмайджакъ ве йыкъылмайджакъ!

Левийлилер 24:17

Башкъа адамны ольдюрген адам мытлакъа ольдюрильсин.

Матта 7:2

Насыл укюм этсенъиз, шойле де укюм этилирсиз. Насыл ольчювнен ольчесенъиз, ана шу ольчювни де алырсыз.

Якъуп 2:13

Мерамет косьтермеген адам мераметсизликнен суд этиледжек. Мерамет исе укюмден устюн келе.

Къадылар 1:7

О заман Адоний-Безек: – Аякъларынынъ ве къолларынынъ баш пармакълары кесик етмиш падиша меним софрам тюбюнде отьмек уфакъларыны топлай эдилер. Мен япкъанымны энди Алла манъа япты, – деди. Сонъ оны Ерусалимге кетирдилер, ве о, анда ольди.