4 Падишалар 10:5 - Мукъаддес Китап

⁵ Сонъ падиша эвининъ башлыгъы, шеэр башы, акъсакъаллар ве тербиеджилер Ехугъа бойле хабер йибердилер: «Биз – сенинъ къулларынъмыз. Бизге не буюрсанъ, шуны япармыз. Озюмизге падиша этип, кимсени къоймамыз. Санъа не яхшы олса, шуны яп».

4 Падишалар 10:5 ပူးပေါင်းရင်းမြစ်များ

3 Падишалар 20:32

Сонъ беллерини къаба токъулгъан къумачнен, башларыны аркъанларнен сарып, Исраиль падишасына кельдилер ве онъа: – Къулунъ Бен-Хадад санъа: «Меним джанымны сакъла!» – деп ялвара, – дедилер. Ахав исе: – Бен-Хадад даа сагъмы? О, меним къардашым олсун! – деди.

3 Падишалар 20:4

Исраиль падишасы джевап берип: – Падиша-эфендимнинъ дегени киби олсун. Мен ве меним эписи шейлерим – сенинъки, – деди.

4 Падишалар 10:6

Еху экинджи мектюп язды. Мектюпте бойле язылгъан эди: «Эгер сиз меним тарафымны тутсанъыз, меним сёзюме бойсунсанъыз, ярын шу вакъытта манъа, Йизреэлге эфендинъизнинъ огъулларынынъ башларынен келинъиз». Падишанынъ етмиш огълу оларны тербиелеген энъ буюк адамларнен берабер эдилер.

4 Падишалар 18:14

Ехуда падишасы Хизкия Лакиш шеэринде тургъан Ашшур падишасына хабер йиберди: – Мен къабаатлым. Менден чекиль. Не къадар сорасанъ, шу къадар тёлерим, – деди. Сонъ Ашшур падишасы Ехуда падишасы Хизкиягъа 300 чувал кумюш ве 30 чувал алтын бергини юкледи.

Йирмея 27:17

Оларны динълеменъиз, Вавилон падишасына хызмет этинъиз де, сагъ къалынъыз. Не керек бу шеэрни харап этмеге?

Сайылар 11:12

Бутюн бу халкъны къурсагъымда ташыдыммы, мен оны догъурдыммы? Дая баланы къучакъта ташыгъаны киби, деделерине бермеге емин эткен топрагъынъа мен оларны ташыгъанымны Сен не ичюн истейсинъ?

Юхан 12:26

Ким Манъа хызмет этмеге истесе, Меним артымдан кельсин. Мен къаерде олсам, хызметчим де о ерде оладжакъ. Манъа хызмет эткенни Баба урьмет этеджек.

Нун огълу Ехошуа 9:11

Сонъ бизим акъсакъалларымыз ве эписи топрагъымызда яшагъанлар бизге бойле дедилер: «Къолларынъызгъа ёллукъ отьмеклерини алып, оларнынъ къаршысына кетинъиз ве оларгъа: “Биз сизинъ къулларынъыз, бизнен барышыкъ шартнамеси тизинъиз”, – айтынъыз».

Нун огълу Ехошуа 9:8

Олар Ехошуагъа: – Биз сенинъ къулларынъ оламыз, – дедилер. – Сиз кимсиз ве къайдан кельдинъиз? – деп сорады олардан Ехошуа.