4 Падишалар 1:2 - Мукъаддес Китап

² Ахазья исе Самариедеки эвининъ юкъары одасынынъ пармакълыгъындан йыкъылып яраланды. Эльчилерине эмир берип: «Барынъыз, Экрон шеэрининъ алласы олгъан Баал-Зевувдан соранъыз ки, Мен ярамдан тедавийленир экенимми?» – деп, оларны ёллады.

4 Падишалар 1:2 ပူးပေါင်းရင်းမြစ်များ

3 Падишалар 11:33

Бу – олар Мени ташлап, сидонлыларнынъ алласы Ашторетке, Моав алласы Кемошкъа, Аммон огъулларынынъ алласы Милкъомгъа табынгъанлары, Меним ёлларымдан урулгъанлары, бабасы Давуткъа ошамайып, Меним низамнамелеримни ве къарарларымны тутмагъанлары ве Меним огюмде догъру ишлер япмагъанлары ичюндир.

3 Падишалар 14:3

Озюнънен берабер он дане отьмек, пителер, бир бардакъ бал ал да, онъа алып кет. О санъа баланынъ келеджегини айтып берер, – деди.

3 Падишалар 22:34

Бир аскер, тийсе-тиер, тиймесе-тиймез, деп, яйындан бир окъ атып, Исраиль падишасыны зырхы къошулгъан бир ерден яралады. Падиша озь арабаджысына: – Арабаны артына айландыр да, мени дженк мейданындан чыкъар, чюнки яраландым, – деди.

3 Падишалар 22:40

Ахав баба-деделерине къошулды. Онынъ ерине огълу Ахазья тахткъа отурды.

4 Падишалар 1:16

О, падишагъа: – РАББИ бойле дей: «Сен Экрон алласы олгъан Баал-Зевувдан сорамагъа эльчилер йибердинъ. Исраильнинъ Алласы ёкъмы ёкъса? Онынъ сёзюни сорамагъа мумкюн дегильми? Шунынъ ичюн яткъан тёшегинъден турмайджакъсынъ, мытлакъа оледжексинъ!» – деди.

4 Падишалар 1:3

РАББИнинъ Мелеги тишбели Ильяскъа бойле деди: – Тур, Самарие падишасынынъ эльчилерини къаршыламагъа чыкъ да, оларгъа бойле айт: «Не? Исраильнинъ Алласы ёкъмы ёкъса? Экрон алласы олгъан Баал-Зевувдан сорамагъа кетесинъизми?

4 Падишалар 1:6

Олар: – Бир адам бизни къаршыламагъа чыкъты ве бойле айтты: «Барынъыз, сизни йиберген падишагъа къайтып кетинъиз, онъа бу сёзлерни айтынъыз: “РАББИ бойле дей: Не? Исраильнинъ Алласы ёкъмы ёкъса? Экрон алласы олгъан Баал-Зевувдан сорамагъа кетесинъизми? Шунынъ ичюн, яткъан тёшегинъден турмайджакъсынъ, мытлакъа оледжексинъ!”» – дедилер.

4 Падишалар 17:16

Олар РАББИ олгъан Алласынынъ бутюн эмирлерини ред эттилер, озьлерине эки дане маденден ясалгъан бугъа ве Ашера путуна табынма дирегини яптылар, бутюн коклернинъ ордусына табындылар ве Баалгъа хызмет эттилер,

Эюп акъкъында китап 31:3

Адалетсиз адамларгъа О, беля ёлламайджакъмы? Акъсызлыкъ япкъанларгъа бахытсызлыкъ бермейджекми?

Энъ яхшы йыр 2:9

Севгилим гъазельге, яш сыгъынгъа ошай. Мына, о, диварымызнынъ артында тура, пенджерелерден ве пармакълыкътан бакъа.

Ешая 19:3

Мысырлылар рухтан тюшеджек, оларнынъ ниетлерини ёкъ этеджегим. Ярдым ичюн бош путларгъа, олюлернинъ рухларына, рухларнен лаф эткенлерге, джинлерни чагъыргъанларгъа бараджакълар.

Ешая 2:6

Сен, РАББИ, халкъынъны, Якъупнынъ эвини терк эттинъ, чюнки олар куньдогъуштакилерден пек чокъ шейни озьлерине адет эттилер. Фелестинлилерде олгъаны дайын, оларда аляметлерни бакъып келеджекни айткъанлар пейда олды, ябанджы огъланларнен аралары якъын.

Ешая 37:12

Баба-деделерим ёкъ эткен миллетлерни аллалары къуртардымы? Гозан ве Харанны, Рецеф ве Телассардаки Эден огъулларыны къуртардылармы?

Ешая 37:19

оларнынъ аллаларыны атеште якътылар. Олар исе аллалар дегиль, олар инсан япкъан шейдир: агъач ве таш. Шунынъ ичюн де оларны ёкъ эттилер.

Матта 10:25

Шегирт озюнинъ оджасы киби, хызметчи эфендиси киби олсалар, етерлик. Эгер эв саибини Беэльзебул адынен адландырсалар, эв сакинлери акъкъында даа бетер сёзлер айтмазлармы?

Марк 3:22

Ерусалимден кельген Къанун оджалары: – Онынъ ичинде Беэльзебул шейтан бар! Шунынъ ичюн О, джинлерни джинлер башлыгъы къуветинен къувып чыкъара! – дедилер.

Лука 11:15

Амма араларындан базылары: – О, джинлерни джинлер башлыгъы Беэльзебулнынъ къуветинен къувып чыкъара, – дедилер.

Фаалиет 20:9

Евтих адлы бир огълан ачыкъ пенджере янында отурмакъта эди. Павелнинъ нуткъу узун олгъаны ичюн, о огъланны къатты юкъу басты. О, юкъугъа далып, учюнджи къаттан ашагъа йыкъылып кетти. Оны ерден котергенде, о, энди ольген эди.

Нун огълу Ехошуа 15:11

О, Экрон дагъынынъ шималь тарафындан кечип, Шиккеронгъа чевире, Баала дагъындан кечип, тап Явнеэльге бара эди. Сынъырнынъ сонъу Акъ денъиз янында бите эди.

Къадылар 11:24

Сен санъа алланъ Кемош берген топракъларны идаре этесинъ. Биз исе Алламыз РАББИ бизге берген бутюн ерлерни идаре этеджекмиз.

Къадылар 5:28

Сисеранынъ анасы пенджереден бакъа, агълап, пенджере пармакълыгъындан къычыра: «Нечюн кельмей онынъ дженк арабасы? Арабаларынынъ тапырдысы нечюн кеч къалды?»

1 Падишалар 5:10

Олар Алланынъ Сандыгъыны Экронгъа йибердилер. Алланынъ Сандыгъы Экронгъа кельген сонъ, экронлылар яйгъара къопарды ве: – Исраиль Алласынынъ Сандыгъыны мында кетирип, бизни ве бизим халкъымызны ольдюрмек истейлер, – дедилер.