4 Падишалар 1:14 - Мукъаддес Китап

¹⁴ Мына коктен атеш энди де, менден эвель кельген эки эллибашыны ве оларнынъ эллишер аскерини якъты. Лякин меним джанымны аджы! – деди.

4 Падишалар 1:14 ပူးပေါင်းရင်းမြစ်များ

4 Падишалар 1:13

Падиша озь учюнджи эллибашыны ве элли аскерини йиберди. Учюнджи эллибашы келип, Ильяснынъ огюнде тизлерине йыкъылып, мераметини тилеп: – Эй, Алланынъ адамы! Меним джанымны ве бу сенинъ къулларынъ олгъан элли аскернинъ джанларыны аджы!

4 Падишалар 1:15

РАББИнинъ Мелеги Ильяскъа: – Ондан къоркъма, тюшип онен бар, – деди, ве Ильяс турып падишагъа кетти.

Зебур 49:8

Бахшышларынъ ичюн сени тазирлемейджегим, бутюнлей якъылгъан къурбанларынъ эр вакъыт къаршымда.

Зебур 72:14

Мен эр кунь чекиштим, эр саба джезамны корьдим.

Икметли сёзлер 6:26

Ороспу апайнынъ фияты – бир тилим отьмек, башкъасынынъ апайы исе къыйметли джанынъны авлай.

Фаалиет 20:24

Лякин яшайышымнынъ къыймети мен ичюн бир шей дегиль. Тек ишимни битирмеге, Алланынъ хайырыны анълаткъан Къуванчлы Хаберни даркъатмакъ ичюн, Рабби Исадан алгъан вазифени беджермеге истейим.

1 Падишалар 26:21

Шаул: – Мен гунакярым. Давут, огълум, къайт. Мен санъа башкъа ярамайлыкъ япмам. Сен бугунь джанымны сакълап къалдырдынъ. Мен исе делилик яптым ве буюк янълыш ишледим, – деди.

1 Падишалар 26:24

Сенинъ яшайышынъ меним ичюн насыл къыйметли олса, меним яшайышым да РАББИ ичюн бойле къыйметли олсун. О, мени эписи белялардан сакъласын! – деди.