3 Падишалар 9:24 - Мукъаддес Китап

²⁴ Фыравуннынъ къызы Давут Шеэринден Сулейман онъа къурып берген эвине кечти. Сонъра Сулейман Миллоны къурды.

3 Падишалар 9:24 ပူးပေါင်းရင်းမြစ်များ

2 Падишалар 5:7

Лякин Давут Сион къалесини алды. Шимди о – Давут Шеэридир.

2 Падишалар 5:9

Давут къаледе ерлешти ве онъа «Давут Шеэри» деген ад къойды. Миллодан башлап, о чевре-четини къурды.

3 Падишалар 11:27

Онынъ Сулейман падишагъа къол котергенининъ себеби шунда эди: Сулейман Миллоны къура эди, бабасы Давут Шеэринде тар-мар этильген ерлерни гъайрыдан тиклей эди.

3 Падишалар 3:1

Сулейман фыравуннынъ къызына эвленип, шу эвленювинен Мысыр падишасы фыравуннен анълашма тизди. Сонъ къадыныны Давут Шеэрине алып кельди. Озюне эвни, РАББИнинъ Сарайыны ве Ерусалимнинъ чевре-четинде диварны къургъандже, анда булунды.

3 Падишалар 7:8

Сулейман озю отураджакъ эвде эйван янындаки азбар тыпкъы ойле къурулгъан эди. Озюне къадын оларакъ алгъан фыравун къызынынъ эви де тыпкъы ойле япылгъан эди.

2 Тарих вакъиалары 32:5

Хизкия гъайретнен ишке берильди ве бутюн йыкътырылгъан диварны янъыдан къурды, диварда къуллелер яптырды. Диварнынъ тышындан даа бир дивар япты. Давут Шеэрининъ Миллосыны пекитти ве бир чокъ силя ве къалкъанлар япты.

2 Тарих вакъиалары 8:11

Сулейман фыравуннынъ къызыны Давут Шеэринден алып: – Меним апайыма Давутнынъ эвинде, Исраиль падишасынынъ эвинде яшамагъа олмаз, чюнки РАББИнинъ Сандыгъы кирген ерлер азиздир, – деп, апайыны онъа къурып берген эвге кочюрди.