3 Падишалар 7:29 - Мукъаддес Китап

²⁹ Диварчыкъларда ве черчивелеринде арслан, бугъа ве Керувларнынъ ресимлери япылгъан эди. Арслан ве бугъанынъ тёпесинде ве ашасында урулып япылгъан гульчемберлер бар эди.

3 Падишалар 7:29 ပူးပေါင်းရင်းမြစ်များ

Башланув 3:24

Адамны къувалагъан сонъ, Эдем багъчасынынъ янындаки, шаркътаки омюр терегине алып баргъан ёлны къорчаламакъ ичюн, Керувларны ве эписи тарафларгъа ургъан атешли къылычны къойды.

3 Падишалар 6:27

Сулейман Керувларны Сарайнынъ ич одасында ерлештирди. Керувларнынъ къанатлары керильген, бир Керувнынъ къанаты бир диваргъа, экинджи Керувнынъ къанаты дигер диваргъа тие эди. Башкъа къанатлары оданынъ ортасында бири-бирине тие эди.

3 Падишалар 7:25

Хавуз он эки бугъанынъ устюнде ерлештирильген эди. Бугъаларнынъ учю шимальге бакъа, учю гъарпкъа, учю дженюпке ве учю шаркъкъа бакъа эди. Хавуз бугъаларнынъ устюнде ерлешкен, бугъаларнынъ арт къысымлары ичине бакъа эди.

3 Падишалар 7:28

Олар бойле япылгъан эди: черчивеге диварчыкъларнен къоюлгъан эдилер.

3 Падишалар 7:30

Эр бир аякънынъ дёрдер бакъыр копчеги ве бакъыр кочерлери бар эди. Дёрт кошесинде, леген тутмакъ ичюн, меснетлер япылгъан эди. Меснетлернинъ эр бир тарафында гульчемберлер къуюлгъан эди.

Чыкъыш 25:18

Мерамет Еринен эки Керувлар бир кесек алтындан япылып, Керувларны дёгюльген шекильде Мерамет Ерининъ эки четинден яса.

Чыкъыш 37:7

Мерамет Ерининъ эки четинден, дёгюльген шекильде эки алтын Керувларны ясады.

Ехезкель 1:10

Оларнынъ бетлери огден бакъкъанда инсан бетине бенъзей эдилер. Сагъ тарафтан дёртюнинъ де – арслан бети, сол тарафтан дёртюнинъ де – бугъа бети, арттан исе дёртюнинъ де – къартал бети бар эди.

Ехезкель 10:14

Эр бирининъ дёрт бети бар эди. Биринджиси – Керув бети, экинджиси – инсан бети, учюнджиси – арслан бети, ве дёртюнджиси – къартал бети эди.

Хошеа 5:14

Мен Эфраимге арслан киби оладжагъым, Ехуда халкъына яш арслан киби атыладжагъым. Мен оларны парчалайджагъым, алыр да кетерим, кимсе оларны къуртармаз.

Еудийлерге 9:5

Сандыкъ устюнде шуретли Керувлар бар эди. Олар Мерамет Ери къапагъыны къаплай эди. Амма шимди олар акъкъында чокъ айтмагъа керекмей.

1 Пётр 2:5

Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз.

Сырларнынъ ачылувы 5:5

О вакъыт акъсакъаллардан бири манъа: – Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.