3 Падишалар 6:32 - Мукъаддес Китап

³² Къапунынъ эки къанатында Керувларнынъ ресимлерини, пальма тереклерининъ ве ачылаяткъан чечеклернинъ ресимлерини ойып яптырды. Эм Керувларны, эм пальма тереклерни алтыннен къаплады.

3 Падишалар 6:32 ပူးပေါင်းရင်းမြစ်များ

3 Падишалар 6:18

Сарайнынъ ичиндеки кедр тахталарында хыяргъа бенъзеген ве ачылаяткъан чечеклернинъ ресимлери оюлып япылгъан эди. Сарайнынъ эр бир ери кедрнен къаплангъан эди. Бир ерде таш корюнмей эди.

3 Падишалар 6:23

Энъ Азиз Одада зейтюн терегинден эки Керув яптырды. Керувларнынъ бою беш метр эди.

3 Падишалар 6:29

Керувларнынъ ресимлерини, пальма тереклерини, ачылаяткъан чечеклернинъ ресимлерини эки одада, огдеки одада ве ичтеки одада, Сарайнынъ эписи диварларында ойып яптырды.

3 Падишалар 6:31

Энъ Азиз Оданынъ киришинде зейтюн терегинден къапу яптырды. Къапу первазыны беш кошели яптырды.

3 Падишалар 6:33

Буюк Оданынъ киришине зейтюн терегинден дёрт кошели первазлар яптырды.

2 Тарих вакъиалары 4:22

энъ темиз алтындан ясалгъан макъасчыкълар, легенлер, чанакълар ве комюр табакълары. Сарайнынъ Энъ Мукъаддес Ерининъ къапулары ве Буюк Оданынъ къапусы да темиз алтындан ясалгъан эди.

Ехезкель 40:16

Къаравул одаларынынъ тышкъы диварларында, одаларнынъ арасындаки диварларда ве аятнынъ эр тарафында да пенджереге бенъзеген долафлар бар эди. Одаларны больген ве аяткъа бакъкъан торецлер пальма тереклерининъ ресимлеринен безетильген эди.

Ехезкель 41:18

Керувларнен ве пальмаларнен безетильген эди. Эр эки Керув арасында бирер пальма бар эди. Эр бир Керувнынъ эки бети бар эди: