3 Падишалар 6:27 - Мукъаддес Китап

²⁷ Сулейман Керувларны Сарайнынъ ич одасында ерлештирди. Керувларнынъ къанатлары керильген, бир Керувнынъ къанаты бир диваргъа, экинджи Керувнынъ къанаты дигер диваргъа тие эди. Башкъа къанатлары оданынъ ортасында бири-бирине тие эди.

3 Падишалар 6:27 ပူးပေါင်းရင်းမြစ်များ

3 Падишалар 6:26

Биринджи Керувнынъ бою беш метр эди. Экинджи Керувнынъ бою да бойле эди.

3 Падишалар 6:28

Керувларны темиз алтыннен къаплады.

3 Падишалар 8:6

Руханийлер РАББИнинъ Васиет Сандыгъыны озь ерине, Сарайнынъ Энъ Азиз Одасына, Энъ Мукъаддес Ерине, Керувларнынъ къанатлары тюбюне къойдылар.

3 Падишалар 8:7

Керувлар Сандыкъ ерининъ устюнден къанатларыны керип, Сандыкъны ве ташыгъан таякъларыны къапата эдилер.

2 Тарих вакъиалары 3:11

Керувларнынъ къанатлары он метр узунлыгъында эди. Керувларнынъ бири эки бучукъ метр узунлыгъындаки биринджи къанатынен Сарайнынъ диварына тие эди ве эки бучукъ метр узунлыгъындаки экинджи къанатнен башкъа Керувнынъ къанатына тие эди.

2 Тарих вакъиалары 5:8

Керувлар Сандыкъ ерининъ устюнден къанатларыны керип, къанатларынен Сандыкъны ве ташыгъан таякъларны къапата эдилер.

Чыкъыш 25:20

Керувларнынъ къанатлары Мерамет Ерининъ тёпесини къаплап, юкъары котерильген олсунлар. Бетлеринен бири-бирине къаршы турып, Керувлар Мерамет Ерине тараф бакъсынлар.

Чыкъыш 37:9

Керувларнынъ къанатлары Мерамет Ерининъ тёпесини къаплап, юкъары котерильген эдилер. Бетлеринен бири-бирине къаршы турып, Керувлар Мерамет Ерине тараф бакъа эдилер.