3 Падишалар 5:7 - Мукъаддес Китап

⁷ Хирам, Сулейманнынъ хаберини эшитип, пек къуванды ве: – Шу чокътан-чокъ олгъан миллетке укюмдарлыкъ этмек ичюн Давуткъа акъыллы огъул берген РАББИге бугунь шукюрлер олсун! – деди

3 Падишалар 5:7 ပူးပေါင်းရင်းမြစ်များ

Башланув 33:5

Апайларнен балаларыны корип, Исав: – Булар санъа ким олалар? – деди. – Бу – Алла манъа, сенинъ къулунъа багъышлагъан балалардыр, – деди Якъуп.

3 Падишалар 1:48

ве: «РАББИге, Исраильнинъ Алласына шукюрлер олсун! Бугунь О, бизге тахтымда отураджакъ падиша берди, манъа буны корьмеге къысмет этти!» – деди.

3 Падишалар 10:9

Сенден разы олгъан, сени Исраиль тахтына отурткъан Алланъ олгъан РАББИге чокътан-чокъ шукюрлер олсун! Исраильге олгъан эбедий севгиси ичюн РАББИ сени укюмдарлыкъ этмек ве акъкъикъатны къорчаламакъ ичюн падиша этти!

3 Падишалар 3:9

Сенинъ халкъынъа укюмдарлыкъ этмек ичюн, яхшылыкъны яманлыкътан айырмакъ ичюн, манъа, Сенинъ къулунъа, анълагъан юрек бер. Сенинъ бойле бир буюк халкъынъа ким укюмдарлыкъ этип оладжакъ?

3 Падишалар 4:7

Сулейманнынъ бутюн Исраильге къойгъан виляет башлыкълары он эки киши эди. Олар падишаны ве онынъ бутюн эвини ашнен теминлей эдилер. Эр бири йылнынъ бир айыны ашнен теминлей эди.

3 Падишалар 5:6

Сен мен ичюн Ливандан кедр тереклерини кесмеге эмир эт. Меним къулларым сенинъ къулларынънен берабер чалышаджакълар. Сенинъ къулларынъ ичюн не къадар сорасанъ, кира парасыны береджегим. Сен билесинъ ки, бизде сидонлылар киби терек кесмеге бильгенлер ёкъ».

3 Падишалар 5:8

ве Сулеймангъа бойле джевап йиберди: – Манъа не ичюн йибергенинъни эшиттим ве кедрнен кипарис тереклери акъкъындаки эписи истеклеринъни ерине кетиририм.

Зебур 137:6

РАББИ юксекте олып, ювашларгъа бакъар, къопайларны исе узакътан таныр.

Икметли сёзлер 10:1

Сулейманнынъ икметли сёзлери. Икметли огълан – бабасына къуванчтыр, акъылсыз огълан – анасына беля!

Икметли сёзлер 13:1

Икметли огълан бабасынынъ огютини динълей, мыскъылджы исе опькеге къулакъ асмай.

Икметли сёзлер 15:20

Икметли огълан бабасыны къувандырыр, акъылсыз огълан исе анасыны саймаз.

Икметли сёзлер 23:24

Инсафлы адамнынъ бабасы пек къуваныр, икметлиге омюр берген адам да шенъленир!

Ешая 8:18

Мына, мен ве РАББИ манъа берген балалардыр. Биз – Сион дагъында яшагъан Ордулар РАББИсинден Исраильге берильген аляметлер ве бельгилермиз.

Ешая 9:6

Бизге бир Бала догъды, бизге бир Огъул берильди! Омузлары устюне акимиет къоюлды. Онъа «Аджайип», «Насиатчы», «Кучьлю Алла», «Эбедий Баба», «Аманлыкъ Падишасы» дейджеклер.