3 Падишалар 4:33 - Мукъаддес Китап

³³ О, тереклер акъкъында, Ливанда оськен кедр терегинден башлап, диварлардан оськен эзов отунадже айта эди, айванлар ве къушлар акъкъында, сюйрелип юрген махлюкълар ве балыкълар акъкъында айта эди.

3 Падишалар 4:33 ပူးပေါင်းရင်းမြစ်များ

3 Падишалар 4:32

О, 3 000 дане икяе айтып берди, тюркюлери исе 1 005 дане эди.

3 Падишалар 4:34

Сулейманнынъ икметли сёзлерини эшитмек ичюн, эписи миллетлерден онынъ икмети акъкъында эшиткен дюньядаки эписи падишалардан адамлар келе эдилер.

4 Падишалар 19:23

Эльчилеринънен Раббини ашаладынъ ве: «Чокътан-чокъ арабаларымнен дагъларнынъ тёпесине, Ливаннынъ къаяларына чыкътым, юксек кедр тереклерини кестим, энъ яхшы кипарислерини кестим. Онынъ энъ тёрюне кельдим, багъынынъ гурь ерине кирдим.

Зебур 51:7

Алла Озю сени эбедиен ёкъ этеджек, сени булунгъан еринъден къувып айыраджакъ, тирилер топрагъындан сенинъ тамырынъны чыкъараджакъ. Сэла

Чыкъыш 12:22

– Эзов отунынъ деметини алып, савутта олгъан къангъа батырып, савуттаки къаннен къапу первазынынъ устюне ве эки тарафына якъынъыз. Ич биринъиз озь эвинъизнинъ къапусындан сабагъадже чыкъманъыз.

Энъ яхшы йыр 4:8

Кель манъа Ливандан, джаным, кель манъа Ливандан! Амана тёпелигинден, Сенир ве Хермон дагъ тёпесинден, арсланларнынъ къобаларындан, леопардларнынъ дагъларындан тюш.

Энъ яхшы йыр 5:15

Баджакълары – алтын темельге къоюлгъан мермер колонналар кибидир. Къыяфети Ливан дагъларына ошай, кедр тереклери киби, о, къудретли.

Левийлилер 14:51

Сонъ кедр терегини, эзов отуны, ачыкъ къырмызы йипни ве тири къушны алсын, оларны союлгъан къушнынъ къанына ве чокъракъ сувуна батырсын, эвнинъ устюне еди кере сепсин.

Сайылар 19:18

Элял олгъан адам эзов отуны алсын, оны сувгъа батырсын, сонъ чадыргъа, ичиндеки эписи савутларгъа ве эписи адамларгъа септирсин. Кемикке, ольдюрильген адамгъа, я да озь олюминен ольген адамгъа, я да къабирге токъунгъан адамнынъ устюне сувны септирсин.

Сайылар 24:6

Олар, вадийлер киби, джайылып яталар, озен ялысында багъчалар киби, РАББИ сачкъан ахалим тереклери киби, сувлар янындаки кедр тереклери кибидир.

Еудийлерге 9:19

Муса Къануннынъ эр бир эмирини бутюн халкъкъа окъугъан сонъ, бузавларнынъ ве текелернинъ къаныны, сувны, къырмызы юнни, эзов отуны алды да, эм китапнынъ устюне, эм де бутюн халкънынъ устюне септи