3 Падишалар 22:8 - Мукъаддес Китап

⁸ Исраиль падишасы Ехошафаткъа: – Бар бир адам, ондан РАББИни сорамакъ мумкюн. Лякин меним оны кореджек козюм ёкъ, чюнки о, меним акъкъымда яхшы шей айтмай, тек ярамай хаберлер кетире. Онынъ ады Микъая, Йимланынъ огълу, – деди. Ехошафат онъа: – Падиша ойле демесин, – деди.

3 Падишалар 22:8 ပူးပေါင်းရင်းမြစ်များ

Башланув 37:8

Агъалары онъа: – Сен бизге падишалыкъ этеджексинъми, аджеба? Бизге башлыкъ оладжакъсынъмы, аджеба? – дедилер ве Юсуфнынъ бу сёзлери ве корьген тюшлери ичюн онъа даа зияде нефретлендилер.

3 Падишалар 18:4

Изевель РАББИнинъ пейгъамберлерини ёкъ эткенде, Овадья юз пейгъамберни алып, оларны эллишер адам къобаларда сакълап, аш-сувнен теминлеген эди.

3 Падишалар 19:10

Ильяс: – Мен РАББИ, Ордуларнынъ Алласы ичюн пек къасеветлендим. Исраиль огъуллары Сенинъ васиетинъни къалдырып, къурбан ерлеринъни къырдылар, пейгъамберлеринъни къылычнен ольдюрдилер. Бир мен къалдым, мени де ольдюрмеге истейлер, – деди.

3 Падишалар 19:14

Ильяс джевап къайтарып: – Мен РАББИ, Ордуларнынъ Алласы ичюн пек къасеветлендим, чюнки Исраиль огъуллары Сенинъ васиетинъни къалдырып, къурбан ерлеринъни боздылар, пейгъамберлеринъни къылычнен ольдюрдилер. Бир мен къалдым, мени де ольдюрмеге истейлер, – деди.

3 Падишалар 21:20

Ахав Ильяскъа: – Эй, душманым, сен кене мени таптынъмы?! – деди. Ильяс исе: – Эбет, таптым! Чюнки сен РАББИнинъ огюнде ярамай шейлер япмагъа берильдинъ.

3 Падишалар 22:13

Микъаянынъ артындан йиберильген хаберджи онъа: – Мына, бутюн пейгъамберлер бир агъыздан падишагъа яхшы шейлер айталар. Сенинъ сёзлеринъ де оларнынъ айткъанларынен бир кельсин. Сен де яхшы шейлер айт, – деди.

3 Падишалар 22:18

Исраиль падишасы Ехошафаткъа: – О манъа тек ярамай пейгъамберлик эте, яхшы пейгъамберлик этмей, демеген эдимми? – деди.

3 Падишалар 22:27

Анда айтынъыз: «Падиша бойле деди: “Мынавны алынъыз да, оны зиндангъа атынъыз. Мен аман-эсен къайтып кельмегендже, онъа азачыкъ сув ве отьмектен башкъа бир шей берменъиз”», – деди.

3 Падишалар 22:7

Ехошафат кене: – Мында даа бир РАББИнинъ пейгъамбери ёкъмы экен? Ондан сорасакъ, – деди.

3 Падишалар 22:9

Сонъ Исраиль падишасы бир везирини чагъырып, онъа: – Бар, Йимла огълу Микъаяны тез-тез алып кель, – деди.

4 Падишалар 9:22

Ёрам Ехуны корип: – Еху, эписи яхшымы? – деп сорады. Еху исе: – Сенинъ ананъ Изевель ороспулыкъ ве чокътан-чокъ этне япып юргенде, неси яхшы оладжакъ? – деди.

2 Тарих вакъиалары 36:16

Лякин олар Алланынъ хаберджилерини мыскъыллай, Онынъ сёзлерини динълемей, Онынъ пейгъамберлерини масхара эттилер. Бундан сонъ РАББИнинъ гъазабы Озь халкъына ойле алевленди ки, тюзельмеге чаре къалмады.

Зебур 34:21

Манъа агъызларыны кенъ ачып: «Аха! Аха! Козюмиз корьди!» – дейлер.

Икметли сёзлер 15:12

Мыскъылджы оны опькелегенлерни севмей, икметли адамларгъа о бармаз.

Икметли сёзлер 29:10

Къанназ адамлар къусурсызлардан нефретленелер ве догъру адамларны ольдюрмеге къыдыралар.

Икметли сёзлер 9:8

Мыскъылджыны опькелеме, ёкъса о сенден нефрет этер. Икмет саибини опькеле, ве о сени север.

Ешая 3:11

Яман адамларнынъ башына исе беля! Эткен ишлери ичюн къазангъанларыны кореджек.

Ешая 30:10

Не оладжагъыны эвельден бильгенлерге: «Не оладжагъыны эвельден бильмеге вазгечинъиз», – дейлер, пейгъамберлерге: «Бизге догърусыны айтманъыз, юрегимизге хош кельген шейни айтынъыз!

Ешая 49:7

Исраильни сатын алгъан РАББИ, Азиз Алла, масхара олгъангъа, халкъларнынъ кореджек козю олмагъангъа, падишаларнынъ къулуна бойле дей: – Ишанчлы РАББИ, сени сайлагъан Исраильнинъ Азизи ичюн, падишалар сени корип, аякъкъа тураджакълар, сенинъ огюнъде башлыкълар ерге тюшеджеклер.

Йирмея 18:18

Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Йирмея 20:10

Этрафымда чокъ лафларны эшиттим, орталыкъны къоркъу къаплады. «Оны чакъынъыз! Эр кеске айтып берсинлер», – дейлер. Меннен муаббет яшагъанларнынъ эписи энди абынгъанымны беклеп отуралар; «Бельки, алданаджакъ да, сонъ оны енъип, джезалармыз», – дейлер.

Йирмея 36:23

Ехудий кягъыттан учь-дёрт болюкни окъугъан сайын, падиша языджы пычагъынен оларны кесип алып, оджакътаки атешке ата эди. Бойледже, бутюн кягъыт оджакътаки атеште янып битти.

Йирмея 38:4

башлыкълар падишагъа: – Бу адам ольдюрильсин, – дедилер. – О, бойле сёзлерни айтып, бу шеэрде къалгъан аскерлерни ве бутюн халкъны рухтан тюшюре. Бу адам халкъкъа аманлыкъ дегиль де, яман беля тилей.

Амос 5:10

Сиз исе адалетли суд эткенлерни нефрет этесиз, догърусыны айткъанларны кореджек козюнъиз ёкъ.

Микъа 2:11

Яланджы яланлар уйдурып, бол шарап ве ички акъкъында пейгъамберлик япса, шу халкъ бойле адамны, пейгъамбер деп, саяр эди.

Микъа 2:7

Эй, “Якъупнынъ эви” деп адландырылгъанлар! РАББИнинъ сабыры биткенми? Онынъ япкъанлары шойлеми?» Меним сёзлерим догъру яшагъан адамларгъа файдалы дегильми?

Зекерья 11:8

Бир айда учь чобанны ёкъ эттим. Мен олардан бездим, олар да Менден юзь чевирдилер.

Матта 10:22

Меним Адым ичюн эписинде сизлерни кореджек козю олмаз. Лякин сонъунадже сабыр эткен адам къуртуладжакъ.

Юхан 17:14

Мен оларгъа Сенинъ Сёзюнъни бильдирдим. Дюньянынъ оларны кореджек козю ёкъ, чюнки Мен бу дюньядан олмагъаным киби, олар да бу дюньядан дегиллер.

Юхан 7:7

Дюнья сизден нефретленип оламай, лякин Мени кореджек козю ёкъ, чюнки Мен онъа къаршы ве онынъ ишлери яман олгъанына шаатлыкъ этем.

Галатиядакилерге 4:16

Энди мен сизлерге акъикъатны айткъанымда, душманынъыз олдыммы?