3 Падишалар 20:34 - Мукъаддес Китап

³⁴ Сонъ Бен-Хадад онъа: – Бабам сенинъ бабанъдан тартып алгъан шеэрлерни санъа къайтарырым. Бабам Самариеде озюне базарлар япкъан киби, сен де Дамаскта озюнъе базарлар япа билирсинъ, – деди. – Анълашма тизгенимизден сонъ, мен сени азат этерим, – деди Ахав. Анълашма тизгенлеринден сонъ, Ахав оны йиберди.

3 Падишалар 20:34 ပူးပေါင်းရင်းမြစ်များ

3 Падишалар 15:20

Бен-Хадад Аса падишаны динъледи ве Исраиль шеэрлерине къаршы озь орду башлыкъларыны ёллады. Олар Иён, Дан, Авел-Бет-Маакъа шеэрлерине, Нафталий топракъларына ве бутюн Киннеретке уджюм этти.

3 Падишалар 20:33

Бен-Хададнынъ адамлары буны бельги деп сайып, тез-тез онынъ сёзлерини агъзындан алып: – Эбет, Бен-Хадад сенинъ къардашынъ олсун! – дедилер. Ахав оларгъа: – Барынъыз, оны кетиринъиз, – деди. Бен-Хадад чыкъып, онынъ огюне кельди. Падиша оны озюнинъ арабасына отуртты.

3 Падишалар 20:42

Пейгъамбер онъа: – РАББИ бойле дей: «Мен олюмге махкюм эткен адамны азат эткенинъ ичюн, сенинъ джанынъ онынъ джаны ерине алынаджакъ, сенинъ халкъынъ онынъ халкъы ерине къыйналаджакъ», – деди.

3 Падишалар 22:31

Арам падишасы исе озюнинъ 32 дженк арабалары башлыкъларына шойле эмир этти: – Исраиль падишасындан башкъа, буюк олсун, кучюк олсун, кимсенен дженклешменъиз.

2 Тарих вакъиалары 16:4

Бен-Хадад Аса падишаны динъледи ве Исраиль шеэрлерине къаршы озь орду башлыкъларыны ёллады. Олар Иён, Дан, Авел-Маим шеэрлерини ве Нафталий шеэрлерининъ бутюн анбарларыны бом-бош эттилер.

2 Тарих вакъиалары 18:30

Арамнынъ падишасы озюнинъ дженк арабалары башлыкъларына шойле эмир этти: – Исраиль падишасындан башкъа, буюк олсун, кучюк олсун, кимсенен дженклешменъиз.

Ешая 26:10

Яман адам багъышланса да, догърулыкъкъа огренмез. Догърулыкъ топрагъында да яманлыкъ япар, РАББИнинъ буюклигини танымаз.

Ешая 8:12

– Бу халкъ фитне деген эр шейине фитне деменъиз, къоркъкъан шейинден къоркъманъыз, отюнъиз патламасын.

Къануннынъ текрары 7:2

оларны сенинъ къолунъа бергенинен ве сен оларгъа уджюм эткенинънен, оларны айырып, бутюнлей ёкъ эт. Оларнен анълашма тизме ве мераметли олма.

1 Падишалар 11:1

Бир кунь аммонлы Нахаш кельди ве Явеш-Гилад шеэрини алкъагъа сарды. Явешнинъ эписи сакинлери Нахашкъа: – Бизнен бирлеш, биз санъа хызмет этермиз, – дедилер.

1 Падишалар 15:8

Амалеклилернинъ падишасы Агъагъны тирилейин тутты, лякин халкъыны къылычнен урып ольдюрди.

1 Падишалар 15:9

Амма Шаул ве халкъы Агъагъны ве къой-эчкилернинъ, туварларнынъ, семиз бузав-таналарнынъ ве къозуларнынъ энъ яхшысыны ве шейлернинъ яхшысыны бутюнлей ёкъ этмеге истемедилер. Тек ярамай ве керекмеген эписи шейлерни бутюнлей ёкъ эттилер.