3 Падишалар 20:31 - Мукъаддес Китап

³¹ Хызметчилери онъа: – Бизим эшиткенимизге коре, Исраиль сюлялесининъ падишалары мераметли падишалардыр. Сен бизге белимизни къаба токъулгъан къумачнен, башларымызны аркъанларнен сарып, Исраиль падишасынынъ огюнде тиз чёкмеге рухсет бер. Бельки о сенинъ джанынъны сакълар, – дедилер.

3 Падишалар 20:31 ပူးပေါင်းရင်းမြစ်များ

Башланув 37:34

Якъуп урбаларыны йыртты, къаба токъулгъан басмадан белине къушанма япты ве чокъ куньлер девамында огълу артындан яныкълап агълады.

2 Падишалар 14:2

Текъоагъа бир адам ёллап, андан бир акъыллы къадынны кетиртти ве онъа: – Агълагъан киби ол, матем урбаларны кий ве олюге куньлер девамында агълап юрген киби ол.

2 Падишалар 3:31

Давут Ёавгъа ве оларнен олгъан адамларгъа: – Бутюн урбаларынъызны йыртынъыз, къаба токъулгъан кетенден урбалар кийинъиз ве Авнернинъ артындан агъланъыз, – деди. Давут падиша озю табут артындан кетти.

3 Падишалар 20:23

Арам падишасынынъ хызметчилери онъа: – Оларнынъ аллалары – дагъларнынъ аллаларыдыр, шунынъ ичюн олар бизни енъди. Эгер биз оларнен тегиз ерде дженклешсек, оларны мытлакъа енъермиз.

3 Падишалар 20:32

Сонъ беллерини къаба токъулгъан къумачнен, башларыны аркъанларнен сарып, Исраиль падишасына кельдилер ве онъа: – Къулунъ Бен-Хадад санъа: «Меним джанымны сакъла!» – деп ялвара, – дедилер. Ахав исе: – Бен-Хадад даа сагъмы? О, меним къардашым олсун! – деди.

4 Падишалар 5:13

Онынъ хызметчилери янына келип, онъа бойле дедилер: – Бабам! Эгер пейгъамбер санъа къыйын бир шей айткъан олса, сен барып да, айткъаныны япмаз эдинъми? О санъа тек: «Ювун ве темизленирсинъ», – деди!

4 Падишалар 7:4

Эгер шеэрге кирсек – шеэрде ачлыкъ, анда олермиз. Мында отурсакъ – олермиз. Айды, яхшысы арамлыларнынъ ордусы янына кетейик. Эгер бизни сагъ къалдырсалар, яшармыз, эгер ольдюрселер, олермиз.

Эстер 4:16

«Бар да, Шушанда олгъан эписи ехудалыларны топла. Мен ичюн ашамакътан вазгечинъиз, учь кунь не гедже, не куньдюз ашаманъыз-ичменъиз. Мен де хызметчи къызларымнен берабер ашамакътан вазгечерим. Сонъ, къанунгъа къаршы олса да, падишанынъ янына барарым. Эгер мен ольсем – олерим».

Эюп акъкъында китап 2:4

Шейтан РАББИге: – Джангъа джан, – деп джевап берди. – Адам озь джаны ичюн эр шейини берер.

Икметли сёзлер 20:28

Мерамет ве садыкълыкъ падишаны къорчалай, акъикъатнен о, таджыны тута.

Ешая 16:5

Падишанынъ укюмети севги ве яхшылыкънен къавий оладжакъ; тахтнынъ устюнде, Давутнынъ чадырында ишанчлы Суд Этиджи отураджакъ, адалетни къыдыраджакъ, усталыкънен суд этеджек.

Ешая 22:12

Шунынъ ичюн о куню Ордуларнынъ РАББИ-ТААЛЯсы сизни агъламагъа, айтынмагъа, сачларынъызны кесмеге, чувал токъумаларына кийинмеге чагъыра.

Ешая 37:1

Буларны эшиткен Хизкия устюндеки урбаларыны йыртты, чувал токъумасындан тикильген урбаны кийип, РАББИнинъ Сарайына кетти.

Матта 10:28

Беденини ольдюрип, джаныны исе ольдюрип оламагъанлардан къоркъманъыз. Амма джаныны да, беденини де джеэннемде гъайып этмеге кучю еткен Алладан къоркъунъыз.

Сырларнынъ ачылувы 11:3

Мен эки шаатыма къудрет береджегим, ве олар чувал безинден тикильген урбада 1 260 кунь пейгъамберлик япаджакълар.