3 Падишалар 20:30 - Мукъаддес Китап

³⁰ Сагъ къалгъанлар Афек шеэрине къачып кеттилер. Анда сагъ къалгъан 27 000 кишининъ устюне дивар йыкъылды. Бен-Хадад шеэрге къачып, бир ичери одагъа кирип, анда сакъланды.

3 Падишалар 20:30 ပူးပေါင်းရင်းမြစ်များ

2 Падишалар 18:8

Дженк бутюн ерлерге джайрады, о куню дагъда гъайып олгъанлар къылычтан эляк олгъанлардан зияде олды.

3 Падишалар 20:10

Бен-Хадад даа бир хабер ёллап: – Мен Самарие шеэрининъ кулюни кокке савурарым. Джаяв аскерлериме бирер авуч куль биле тийсе, аллалар бойнумны урып, мени пек къатты джезаласынлар! – деди.

3 Падишалар 20:20

Эр кес озь душманыны урды. Арамлылар къачып башлады, исраиллилер исе оларнынъ артындан къуваладылар. Арам падишасы Бен-Хадад исе атына минип, атлыларынен бирликте къачып кетти.

3 Падишалар 20:26

Бир йыл кечкен сонъ, Бен-Хадад эписи арамлыларны топлады ве исраиллилернен дженклешмек ичюн Афекнинъ янына кельди.

3 Падишалар 20:29

Эки орду бири-бирининъ къаршысында еди кунь девамында турдылар. Единджи куню дженк башланды. Бир кунь ичинде Исраиль огъуллары 100 000 арамлы джаяв аскерни урып ольдюрди.

3 Падишалар 22:25

Микъая онъа: – Корерсинъ сен. Сакъланайым деп, ичери одагъа кирип юрген куню корерсинъ, – деди.

4 Падишалар 10:24

Сонъра къурбанлар чалмагъа ве бутюнлей якъыладжакъ къурбанлар кетирмеге эвге кирдилер. Еху эвнинъ тышында сексен адам къойып, оларгъа: – Эгер мен сизлернинъ къолунъызгъа берген адамларнынъ бир данеси биле къуртулса, эр биринъиз озь джанынъызнен джевап береджек, – деди.

4 Падишалар 9:2

Анда кельген сонъ, Нимший огълу Ехошафатнынъ огълу Ехуны тап. Оны агъаларынынъ сырасындан айырып, ичери одагъа кирсет.

2 Тарих вакъиалары 18:24

Микъая онъа: – Корерсинъ сен. Сакъланайым деп, ичери одагъа къачып кирген куню корерсинъ, – деди.

Ешая 24:18

О вакъыт кок къапулары ачыладжакъ; ер юзюнинъ темеллери сарсыладжакъ. Дешет къычырувындан къачкъанлар чукъургъа тюшеджек; чукъурдан чыкъкъанлар къапкъангъа тюшеджек.

Ешая 30:13

бу гуна сизлер ичюн диварда пейда олгъан чатлакъ киби, авдарыладжакъ олгъан юксек дивар киби оладжакъ: бир кунь апансыздан, бир аньде о, йыкъыладжакъ.

Йирмея 48:44

– Къоркъудан къачкъан чукъургъа тюшеджек, чукъурдан чыкъкъан къапкъангъа тюшеджек! Моавнынъ башына джезалав йылыны ёллайджагъым, – дей РАББИ.

Амос 5:19

О вакъыт бири насыл арсландан къачар да, огюне аюв чыкъар, эвине къайтып къолунен диваргъа таяныр да, къолуны йылан тишлер.

Амос 9:3

Къармел дагъынынъ тёпесинде сакълансалар, анда да оларны тапып, тутаджагъым. Козюмнинъ огюнден денъизнинъ тюбюнде гизленселер, денъиз йыланына оларны тишлемеге буюраджагъым.

Лука 13:4

Я анавы он секиз адамнынъ устюне Силоам шеэриндеки къулле йыкъылып, ольдюргени? Сиз оларны Ерусалимде яшагъан эписи адамлардан даа къабаатлы деп тюшюнесизми?

Нун огълу Ехошуа 13:4

Дженюпте ханаанлыларнынъ бутюн топрагъы: сидонлыларнынъ Меара шеэринден башлап Афекке къадар, аморлыларнынъ сынъырларынадже;

Къадылар 9:40

Лякин Авимелектен къачып башлады, Авимелек оларнынъ артына тюшти ве тап шеэр араба къапуларына къадар къувалады ве чокъусыны ольдюрди.

1 Падишалар 29:1

Фелестинлилер бутюн ордуларыны Афекте топладылар. Исраиллилер исе ордусыны Йизреэлдеки чокъракънынъ янында ерлештирдилер.