3 Падишалар 2:29 - Мукъаддес Китап

²⁹ Сулейман падишагъа Ёавнынъ РАББИнинъ Чадырына къачкъаны ве къурбан еринде олгъаны акъкъында хабер эттилер. Сулейман Ехояда огълу Бенаяны йиберип: – Бар, онъа уджюм эт, – деди.

3 Падишалар 2:29 ပူးပေါင်းရင်းမြစ်များ

2 Падишалар 8:18

Ехояда огълу Беная керетлилер ве пелетлилер болюгининъ башлыгъы эди, ве Давутнынъ огъуллары руханийлер эдилер.

3 Падишалар 2:25

Сонъ Сулейман падиша Ехояда огълу Бенаяны йиберди. Беная Адоньягъа уджюм этип, оны ольдюрди.

3 Падишалар 2:30

Беная РАББИнинъ чадырына келип, онъа: – Чыкъ, падиша бойле буюрды, – деди. О исе: – Ёкъ, мен мында олерим, – деди. Беная буны падишагъа хабер этип, Ёав онъа бойле-бойле деди, бойле джевап бергенини айтты.

3 Падишалар 2:31

Падиша онъа: – Онынъ дегени киби яп. Оны ольдюр де, анда дефн эт. Ёав тёккен къабаатсыз къанны меним эвим ве бабамнынъ эвинден силь, – деди.

3 Падишалар 2:46

Сонъ падиша Ехояда огълу Бенаягъа эмир берди, Беная кетип, Шимийге уджюм этип, оны ольдюрди. Бойлеликнен, падишалыкъ Сулейманнынъ къатты къолуна кечти.

Чыкъыш 21:14

Эгер бирев ниетленип, башкъа адамны хаинликнен ольдюрсе ве сонъ къурбан ерининъ янына къуртулыш къыдырып чапып кельсе, оны ольдюрмек ичюн, андан биле чыкъарып алынъыз.

Икметли сёзлер 28:17

Адам къаныны тёккен адам ольгендже къачып юреджектир, онъа кимсе ярдым этмесин.

Ехезкель 9:6

– Эписини ёкъ этинъиз: къартларны да, къызларны ве огъланларны, апайларны ве балаларны ёкъ этинъиз. Амма манълайында бельгиси олгъанларны тийменъиз. Меним Азиз Еримден башланъыз, – деди. Олар Эвнинъ янында олгъан акъсакъаллардан башладылар.

1 Пётр 4:17

Алланынъ Озь эвиндекилерини суд этмек вакъты кельди. Эгер биз биринджи невбетте суд этиледжек олсакъ, Алланынъ Къуванчлы Хаберине къулакъ асмагъанларнынъ сонъу не оладжакъ?