3 Падишалар 19:8 - Мукъаддес Китап

⁸ Ильяс турып, ашады-ичти ве шу аштан такъат алып, 40 кунь ве 40 гедже кетип, Алланынъ дагъы олгъан Хоревге кельди.

3 Падишалар 19:8 ပူးပေါင်းရင်းမြစ်များ

3 Падишалар 17:6

Къаргъалар онъа саба отьмекнен эт кетирди ве акъшам да отьмекнен эт кетирдилер, озенден исе о ичти.

3 Падишалар 19:7

Алланынъ Мелеги экинджи кере къайтып, кене онъа тийди ве: – Тур, аш аша, олмаса узакъ ёлгъа чыдап оламазсынъ, – деди.

Чыкъыш 19:18

Синай дагъы, онынъ устюне атеш ичинде РАББИ энгени ичюн, бутюнлей тютей эди. Ондан чыкъкъан тютюн собадан чыкъкъан тютюн дайын эди, бутюн дагъ кучьлю къалтырай эди.

Чыкъыш 24:18

Муса, булутнынъ ортасына кирип, байыргъа чыкъты. Байыр устюнде Муса къыркъ кунь ве къыркъ гедже къалды.

Чыкъыш 3:1

Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Чыкъыш 34:28

Муса аш ашамайып, сув ичмейип, РАББИнинъ янында 40 кунь ве 40 гедже турды. О, ташларда васиет сёзлерини, Он Эмирни ойып язды.

Чыкъыш 4:27

РАББИ Харунгъа: – Мусаны къаршыламакъ ичюн, сахрагъа кет, – деди. Харун кетип, Мусанен Алланынъ дагъы янында корюшип, опюшти.

Даниял 1:15

Он кунь кечкен сонъ исе, оларнынъ къыяфети ве вуджутлары падишанынъ ашыны ашагъан огъланлардан дюльбердже ве мазаллыджа эди.

Матта 4:2

Иса къыркъ кунь ве къыркъ гедже аштан вазгечип, пек ач олды.

Марк 1:13

Анда къыркъ кунь девамында Шейтан Оны сынавгъа огърата эди. Иса кийик айванлар арасында яшай эди; Онъа мелеклер хызмет эте эдилер.

Лука 4:2

Анда Шейтан Исаны къыркъ кунь девамында сынавдан кечирди. О куньлерде Иса бир шей ашамай эди ве сонъунда пек ач олды.

2 Коринтлилерге 12:9

Амма О, манъа: «Санъа берген эйилигим етер. Адамлар озь къуветсизлигинде Манъа ишанса, оларда Меним бутюн къудретим арекет этип башлай», – деди. Шунынъ ичюн, менде Месихнинъ къудрети яшасын деп, къуванчнен озь къуветсизликлеримнен макътанаджагъым.

Къануннынъ текрары 9:18

Сонъ кетип, РАББИнинъ огюнде ерге йыкъылдым. Эвельдеки киби, 40 кунь ве 40 гедже аш ашамай, сув ичмей эдим. Сиз буюк гуналарны къазангъан, бу яманлыкъны Онынъ огюнде япып, Оны пек ачувландыргъан эдинъиз.