3 Падишалар 18:27 - Мукъаддес Китап

²⁷ Уйле вакъты Ильяс оларнынъ устюнден кулип башлады ве: – Эй, оны къатты сеснен чагъырынъыз, чюнки о – алла да! Бельки бир шейлер акъкъында тюшюнип къалгъандыр, я да тышарыгъа чыкъмасы келип, кеткендир, бельки де ёлгъа чыкъкъандыр, бельки юкълап къалгъандыр! Уяндырынъыз оны! – деди.

3 Падишалар 18:27 ပူးပေါင်းရင်းမြစ်များ

3 Падишалар 18:26

О, айткъаны киби, олар бир бугъаны алып азырладылар ве сабадан уйлегедже Баалны чагъырып: – Баал, бизге джевап бер! – деп къычырдылар. Лякин не бир сес эшиттилер, не де бир джевап алдылар. Сонъ олар япкъан къурбан ерининъ этрафында сычрап башладылар.

3 Падишалар 18:28

Олар бар кучюнен къычырып, адетлерине коре мызракъ ве къылычларнен беденлерини тешти-ойдылар ве бутюнлей къангъа бояндылар.

3 Падишалар 22:15

О, падишагъа кельди. Падиша ондан: – Микъая! Рамот-Гиладгъа къаршы дженкке чыкъайыкъмы, ёкъмы? – деп сорады. Микъая онъа джевап къайтарып: – Бар, Рамот-Гиладгъа уджюм эт. Гъалебе къазанаджакъсынъ. РАББИ шу шеэрни падишанынъ къолуна береджек, – деди.

2 Тарих вакъиалары 25:8

Сен дженкке чыкъсанъ ве джесюр олып дженклешсенъ де, Алла сени душманынънынъ огюнде ерге атаджакъ. Санъа ярдым этмеге я да сени ерге атмагъа Алланынъ къудрети бар.

Зебур 121:4

Шу шеэрге къабилелер келир, РАББИнинъ къабилелери Онынъ Адына тешеккюр этип, Исраильге берильген шаатлыкъны беджерир.

Зебур 39:3

О, мени къоркъунчлы чукъурдан, балчыкълы батакътан чыкъарып алды. Аякъларымны къаягъа бастырып, адымларымны къатты этти.

Джемаат башы 11:9

Эй, огълан, яшлыгъынъда шенълен, юрегинъ сени яшлыкъ куньлеринъде къувандырсын, юрегинъ истеген, козюнъ корьген ёлларнен юр, лякин ахыр-сонъу Алланынъ огюнде эр шей ичюн джевап береджегинъни биль.

Ешая 41:23

Келеджекте не оладжагъыны айтынъыз да, сиз аллалар олгъанынъызны билейик; я да яхшы, я да яман бир шей этинъиз, эпимиз де корип шашып къалайыкъ.

Ешая 51:9

Котериль, котериль, эй, РАББИнинъ къолу! Къудретли ол! Къадимий заманлардаки киби, эвельки несиллерде олгъаны киби, котериль! Сен Рахавны парча-парча кесмединъми? Денъиз аждерханы урмадынъмы?

Ехезкель 20:39

Исраиль халкъы! – дей РАББИ-ТААЛЯ. – Мени динълемеге истемесенъиз, путларынъызгъа барынъыз, хызмет этип, оларнынъ артындан кетинъиз. Амма Меним мукъаддес Адымны озь бахшыш ве путларынъызнен арамламанъыз.

Матта 26:45

Шундан сонъ Озь шегиртлерининъ янына келип, оларгъа: – Сиз эп юкълайсынъызмы, раатланасынъызмы? Вакъты-саати кельди: мына, Инсан Огълуны гуналы адамларнынъ къолуна берелер.

Марк 14:41

Учюнджи сефер барып кельгенде де, шегиртлери юкълай эди. Иса оларгъа: – Сиз эп юкълайсынъызмы, раатланасынъызмы? Етер! Энди юкъламанъыз! Вакъты-саати кельди: мына, гуналы адамларнынъ къолуна Инсан Огълуны берелер.

Марк 7:9

Усталыкънен Алланынъ эмирини четке чекип ташлайсыз да, озь урф-адетлеринъизни кутесиз, – деди Иса.