3 Падишалар 18:21 - Мукъаддес Китап

²¹ Ильяс бутюн халкъкъа якъынлашып: – Сиз даа не къадар бир ерден экинджисине чапкъалап юреджексиз? Эгер РАББИ Алла олса, Онынъ пешинден юрюнъиз. Эгер Баал олса, онынъ пешинден барынъыз, – деди. Халкъ бир сёз биле джевап къайтармады.

3 Падишалар 18:21 ပူးပေါင်းရင်းမြစ်များ

Башланув 24:50

Лаваннен Бетуэл онъа бойле джевап бердилер: – Бу иш РАББИдендир. Бизим къолумызда не бар?

Башланув 44:16

– Эфендимизге не айтайыкъ? – деди Ехуда. – Не дейик? Насыл этип акъланайыкъ? Алла къулларынънынъ къабаатыны чыкъарды. Иште, биз эфендимизге къуллукъ япаджакъмыз. Эм биз, эм анавы къолунда къаде тапылгъан сою.

3 Падишалар 18:20

Ахав эписи исраиллилерге хабер этмеге адамларыны йиберди ве пейгъамберлерни Къармел дагъында топлады.

3 Падишалар 18:39

Бутюн халкъ буны корьгенде, ерге бети устюне йыкъылды ве: – Алла – РАББИдир, Алла – РАББИдир! – деди.

4 Падишалар 17:41

Бойле этип, шу халкълар эм РАББИге ибадет эттилер, эм озь путларына табындылар. Шимдигедже балалары да, торунлары да бабаларынынъ япкъанлары киби япалар.

1 Тарих вакъиалары 17:26

Я РАББИ! Сен Алласынъ, Сен къулунъ акъкъында бойле эйи хабер бердинъ.

2 Тарих вакъиалары 33:13

О, Онъа дува этти, ве Алла онъа къулакъ асты, онынъ ялварувыны эшитти ве оны Ерусалимге падишалыгъына къайтарды. О заман Менашше Алла РАББИ олгъаныны анълады.

Зебур 100:3

Ярамай шейни козюм огюне кетирмейджегим, мен джинает ишинден нефретленем, бойле шей манъа япышмаз.

Хошеа 10:2

Ичлери ялангъа толды, онынъ ичюн олар къабаатланаджакъ. РАББИ къурбан ерлерини йыкъаджакъ, пут ташларыны ёкъ этеджек.

Цефанья 1:5

Эм эвлернинъ тёпелеринде коклернинъ ордусына ибадет эткенлерни, эм РАББИге садыкълыгъына ант этип, шу аньде Милкъомгъа садыкъ къалгъанларны,

Матта 22:12

О онъа: «Достум, сен не ичюн бу ерге той урбасыз кельдинъ?» – деп сорай. Адам исе индемей.

Матта 22:34

Фериселер, Иса саддукийлернинъ агъызларыны къапаткъаныны билип, эписи топландылар.

Матта 22:36

– Оджа! Къанунда энъ муим эмир къайсыдыр? – деп сорады.

Матта 6:24

Эки эфендиге кимсе хызмет эталмаз. Я бирисинден нефретленип, башкъасыны север, я бирисине садыкъ олып, башкъасыны кореджек козю олмаз. Сиз эм Аллагъа, эм зенгинликке хызмет этип оламайсыз.

Лука 6:13

Танъ аткъанда исе, шегиртлерини янына чагъырды, оларнынъ ичинден он экисини сайлап алды да, оларны «эльчилер» деп адландырды.

Римлилерге 3:19

Энди биз билемиз, Къанун нени буюргъан олса, Къанунгъа коре яшагъанлар ичюн буюра. О вакъытта ич кимсе озюни акъламакъ ичюн бир сёз айтып оламаз ве Алланынъ огюнде бутюн дюнья къабаатлы оладжакъ.

Къануннынъ текрары 4:35

Ялынъыз Алла – РАББИ олгъаны сизге косьтерильген эди. Ондан башкъасы ёкъ.

Нун огълу Ехошуа 24:15

Эгер сизге РАББИге хызмет этмек яман шей киби корюнсе, шимди кимге хызмет этмеге сайланъыз: дерьянынъ янында яшагъан баба-деделеринъизнинъ аллаларына я да аморлыларнынъ топракъларында яшап, оларнынъ аллаларына хызмет этинъиз. Мен ве эвим исе РАББИге хызмет этеджекмиз.

1 Падишалар 7:3

Смаил эписи исраиллилерге: – Эгер сиз джан-гонъюльден РАББИге къайтсанъыз, араларынъыздан кельмешек аллаларны ве Ашторет путларыны ёкъ этинъиз, ачыкъ юрекнен РАББИге догърулып, тек Онъа ибадет этинъиз. О вакъыт О, сизни фелестинлилерден къуртарыр, – деди.