3 Падишалар 18:19 - Мукъаддес Китап

¹⁹ Шимди манъа бутюн Исраильни Къармел дагъына чагъырт. Дёрт юз элли Баалнынъ пейгъамберини ве Изевельнинъ софрасында ашагъан дёрт юз Ашеранынъ пейгъамберини де чагъырт, – деди.

3 Падишалар 18:19 ပူးပေါင်းရင်းမြစ်များ

3 Падишалар 15:13

Аса Маакъа анасыны биле къыраличеликтен узакълаштырды, чюнки о, Ашера путуна бир пис табынма дирегини къойды. Аса пис дирекни балталап, оны Кидрон вадийинде якъты.

3 Падишалар 16:33

Сонъ Ашера путуна табынма дирегини яптырды. Ондан эвельки Исраиль падишаларына коре, Ахав Исраильнинъ Алласы олгъан РАББИни даа да бетер ачувландырды.

3 Падишалар 18:20

Ахав эписи исраиллилерге хабер этмеге адамларыны йиберди ве пейгъамберлерни Къармел дагъында топлады.

3 Падишалар 18:22

Ильяс халкъкъа: – РАББИнинъ пейгъамбери бир меним, Баалнынъ пейгъамберлери исе дёрт юз элли киши.

3 Падишалар 22:6

Исраиль падишасы 400-ге якъын пейгъамберни топлап, олардан: – Рамот-Гиладгъа къаршы дженкке кетейимми я да кетмейимми? – деп сорады. Олар: – Кет. Рабби оны падишанынъ къолуна береджек, – дедилер.

4 Падишалар 10:19

Шимди манъа Баалнынъ эписи пейгъамберлерини, эписи хызметчилерини ве эписи руханийлерини чагъырынъыз. Джумлеси мында кельсин. Мен Баалгъа буюктен-буюк къурбан чаладжагъым. Ким кельмесе – сагъ къалмаз, – деди. Еху бу шейлерни аселет япты. О, Баалнынъ эписи хызметчилерини алдатып ёкъ этеджек олды.

4 Падишалар 13:6

Лякин олар Исраильни гуналаргъа батыргъан Еровоамнынъ гуналарындан вазгечмедилер, гуналар япып яшадылар. Ашера путуна табынма диреги Самарие шеэринде еринде къалды.

4 Падишалар 2:25

Мындан Эль-Яса Къармел дагъына кетти, андан Самарие шеэрине къайтты.

4 Падишалар 3:13

Эль-Яса Исраиль падишасына: – Менден санъа не керек? Бар, бабанънынъ ве ананънынъ пейгъамберлеринден сора, – деди. Амма Исраиль падишасы онъа: – Ёкъ, бармам. РАББИ учь падишаны моавлыларгъа бермек ичюн мында топлады, – деди.

4 Падишалар 9:22

Ёрам Ехуны корип: – Еху, эписи яхшымы? – деп сорады. Еху исе: – Сенинъ ананъ Изевель ороспулыкъ ве чокътан-чокъ этне япып юргенде, неси яхшы оладжакъ? – деди.

Нехемья 5:17

Софрамда 150 ехудалы ве башлыкъ, бундан да гъайры, къомшу халкълардан кельген адамлар ашай эдилер.

Энъ яхшы йыр 7:6

Башынъ, Къармел дагъы киби, юксек тура, башынъдаки сачларынъ – къап-къара, падиша къувурчыкъларынъны севе.

Йирмея 23:13

– Самарие пейгъамберлери арасында чиркин шей корьдим: олар Баалнынъ адынен пейгъамберлик этип, Меним халкъымны, Исраильни ёлдан урдылар.

Йирмея 46:18

– Озюмнен ант этем, – дей Падиша. Онынъ Ады – Ордуларнынъ РАББИси. – Дагълар арасында Тавор дагъы насыл юксек олса, Къармел дагъы денъиз ялысында насыл буюк олса, сизге келеджек де ойле олур!

Амос 1:2

Амос бойле деди: – РАББИ Сиондан гудюрдей, Ерусалимден сес бере. Чобанларнынъ отлакълары къуруп къала, Къармел дагъынынъ устюнде олгъан бутюн ешиллик къаврап къала.

Амос 9:3

Къармел дагъынынъ тёпесинде сакълансалар, анда да оларны тапып, тутаджагъым. Козюмнинъ огюнден денъизнинъ тюбюнде гизленселер, денъиз йыланына оларны тишлемеге буюраджагъым.

Нун огълу Ехошуа 19:26

Алламмелек, Амад, Мишал. Гъарпта сынъыр Къармел ве Шихор-Ливнаткъа къошула,

2 Пётр 2:1

Исраиль халкъы арасында яланджы пейгъамберлер бар эди, сизинъ аранъызда да яланджы оджалар оладжакъ. Олар сизинъ аранъызда гизлиден пек зарарлы огретювлерни даркъатаджакълар. Оларны сатын алгъан Эв Саибинден вазгечип, бу адамлар озь башларына тез олюм кетиреджеклер.

Сырларнынъ ачылувы 19:20

Айван ве онынъ алдында аджайип ишлер япкъан ялан пейгъамбер эсирге тюшти. (Ялан пейгъамбер адамларны озь аляметлеринен алдаткъан эди, ве олар айваннынъ тамгъасыны къабул эткен ве онынъ путуна ибадет эткен эдилер.) Олар экиси кукюртнен янгъан атеш голюне тири олып ташландылар.

Сырларнынъ ачылувы 2:20

Лякин санъа къаршы бойле айтам: сен Изевель къадынынынъ ишлерине къаршылыкъ косьтермейсинъ. О, озюне пейгъамбер деп, Меним къулларыма ороспулыкъ япмагъа ве путкъа къурбан этильген шейлерни ашамагъа огрете ве оларны догъру ёлдан ура.

1 Падишалар 15:12

Саба эрте турып, Смаил Шаулнен корюшмеге кетти. Смаилге, Шаулнынъ Къармелге барып озюне абиде къойгъаны акъкъында ве Гилгалгъа кеткени акъкъында хабер эттилер.