3 Падишалар 16:24 - Мукъаддес Китап

²⁴ Омрий Шемерден Самарие байырыны эки чувал кумюшке сатын алды. Бу ерде шеэр къурды, шеэрнинъ адыны дагънынъ эвельки саибининъ адынен Самарие деп адландырды.

3 Падишалар 16:24 ပူးပေါင်းရင်းမြစ်များ

3 Падишалар 13:32

Бет-Эльде олгъан къурбан ери ве Самарие шеэрлеринде, тёпелерде олгъан эписи ибадетханелер акъкъында РАББИнинъ эмири боюнджа айткъан сёзлери мытлакъа ерине келеджектир, – деди.

3 Падишалар 16:32

Самариеде Баал сарайыны къурып, анда Баал ичюн къурбан ерини къойды.

3 Падишалар 18:2

Ильяс Ахавнынъ козюне корюнмеге кетти. Самариеде исе шиддетли ачлыкъ эди.

3 Падишалар 20:1

Арамнынъ падишасы Бен-Хадад бутюн ордусыны топлады. Онъа 32 падиша озь атлары ве дженк арабаларынен берабер къошулгъан эди. Бен-Хадад кетип, Самарие шеэрини алкъагъа алды ве онъа къаршы уджюм этти.

3 Падишалар 22:37

Падиша ольди. Оны Самариеге кетирдилер ве анда дефн эттилер.

4 Падишалар 10:1

Ахавнынъ Самарие шеэринде етмиш огълу бар эди. Еху мектюплер язып, Самариеге, Йизреэл башлыкъларына, акъсакъалларына ве Ахав балаларынынъ тербиеджилерине ёллады. Мектюплерде бойле язылгъан эди:

4 Падишалар 15:13

Уззия Ехудада 39-ынджы йыл падишалыкъ эткенде, Явеш огълу Шаллум падиша олды ве бир ай девамында Самарие шеэринде падишалыкъ этти.

4 Падишалар 17:1

Ахаз Ехудада 12-нджи йыл падишалыкъ эткенде, Эла огълу Хошеа Самарие шеэринде Исраильнинъ падишасы олды. О, докъуз йыл девамында падишалыкъ этти.

4 Падишалар 17:24

Ашшур падишасы Вавилон, Къута, Авва, Хамат, Сефарваимден адамларны алып кетирип, оларны Исраиль огъулларынынъ ерине Самарие шеэрлеринде ерлештирди. Олар Самариени къолгъа алып, шеэрлеринде яшап башладылар.

4 Падишалар 17:6

Хошеа докъузынджы йыл падишалыкъ эткенде, Ашшур падишасы Самарие шеэрини къолгъа алды ве исраиллилерни Ашшур мемлекетине сюргюн этти, оларны Халах еринде, Гозаннынъ озени янындаки Хаворда ве мадайлыларнынъ шеэрлеринде ерлештирди.

Йирмея 41:5

Шекем, Шило ве Самарие шеэрлеринден сексен адам кельди. Сакъаллары тыраш этильген, урбалары йыртылгъан, тенлерини яралангъан эдилер. Олар РАББИнинъ Эви ичюн ашлыкъ бахшышларыны ве темиз къокъулы майны кетирген эдилер.

Амос 6:1

Сионда гъамсыз яшагъанларгъа беля! Самарие дагъында къоркъусыз отургъанларгъа беля! Сиз – миллетнинъ энъ намлы адамларысыз, Исраиль эви сизге ишанып келе.

Микъа 1:5

Буларнынъ эписи Якъупнынъ яман ишлери ичюн, Исраиль эвининъ гуналары ичюн оладжакъ. Якъуп нечюн яман ишлер япты? Бунынъ себепчиси Самарие дегиль эдими? Ехудада ибадет тёпелерини ким къурды? Ерусалим дегильми?