3 Падишалар 15:26 - Мукъаддес Китап

²⁶ О, РАББИнинъ огюнде ярамай шейлер япты, бабасы юрген ёллардан юрип, бабасы Исраильни гуналаргъа батыргъан гуналарны япты.

3 Падишалар 15:26 ပူးပေါင်းရင်းမြစ်များ

Башланув 20:9

Сонъ Авимелек Ибраимни озюне чагъыртып, бойле деди: – Недир бу сенинъ бизге япкъанынъ? Санъа къаршы мен насыл гуна яптым ки, сен мени ве падишалыгъымны бу буюк гунагъа батырдынъ? Сен манъа олмайджакъ шейлер яптынъ.

3 Падишалар 14:16

Еровоамнынъ гуналары ичюн ве Исраильни гуналаргъа батыргъаны ичюн, РАББИ Исраильни душманларынынъ къолларына береджек», – деди.

3 Падишалар 15:30

О, шуны Еровоам япкъан гуналары ве бутюн Исраильни гуналаргъа батыргъаны ичюн, Исраильнинъ Алласы олгъан РАББИни ачувландыргъаны ичюн япты.

3 Падишалар 15:34

О, РАББИнинъ огюнде ярамай ишлер япты, Еровоамнынъ ёлундан юрип, гуналар япты ве Исраильни гуналаргъа батырды.

3 Падишалар 16:19

Зимрий РАББИнинъ огюнде ярамай ишлер япып, гуналар ишледи, Еровоамнынъ ёлларындан юрип, онынъ гуналарыны текрарлады, гуналарынен Исраильни де гуналаргъа батырды.

3 Падишалар 16:30

Омрий огълу Ахав РАББИнинъ огюнде ярамай ишлер япты, ондан эвелькилеринден даа да бетер япты.

3 Падишалар 16:7

Лякин Хананий огълу Еху пейгъамберден Бааша ве онынъ сою акъкъында РАББИнинъ сёзю энди айтылгъан эди, чюнки о, РАББИнинъ огюнде пек чокъ ярамай шейлер япты. Еровоамнынъ союна ошап, озь къоллары иле япкъанларынен РАББИни ачувландырды ве бунынъ ичюн ёкъ этильди.

3 Падишалар 21:22

Неват огълу Еровоам сюлялесине ве Ахия огълу Баашанынъ сюлялесине япкъан шейни сенинъ сюляленъе де япаджагъым. Сен Мени ачувландырдынъ ве бутюн Исраильни гуналаргъа батырдынъ».

3 Падишалар 22:52

О, РАББИнинъ огюнде ярамай шейлер япып, ана-бабасынынъ ёлларынен ве бутюн Исраильни гуналаргъа батыргъан, Неват огълу Еровоамнынъ ёлларынен юрди.

4 Падишалар 21:11

– Ехуда падишасы Менашше бойле пис шейлерни япты, ондан эвель олгъан аморлылардан бетер шейлер япты, Ехуданы путларгъа толдурып гуналаргъа батырды.

4 Падишалар 23:15

Бундан да гъайры, падиша Бет-Эльдеки къурбан ерини йыкътырды. Бу ибадет тёпесини Исраильни гуналаргъа батыргъан Неват огълу Еровоам къургъан эди. Эм шу къурбан ерини, эм ибадет тёпесини йыкътырды. Ибадет тёпесини якъып, оны тоз-думан этти, Ашера путуна табынма дирегини де якъты.

4 Падишалар 3:3

Амма Исраильни гуналаргъа батыргъан Неват огълу Еровоамнынъ япкъан гуналарыны о да япты, олардан вазгечмеди.

Чыкъыш 32:21

Харунгъа исе Муса: – Бу халкъ санъа не этти де, сен оларны бу буюк гунагъа батырдынъ? – деди.

Йирмея 32:35

Бен-Хинном вадийинде Баалгъа ибадет тёпелерини къурдылар, Молекке къурбан оларакъ огъулларыны ве къызларыны атеште якъа эдилер. Мен исе буны буюрмадым, олар бу писликлерни япаджакъларыны ве ехудалыларны ёлдан ураджакъларыны тюшюнмедим биле.

Римлилерге 14:15

Сен ашагъан аш агъа-къардашынъны раатсызласа, демек, сен оны севмейсинъ. Месих бу адам ичюн ольди, шунынъ ичюн оны ашагъан ашынънен гъайып этме.

1 Падишалар 2:24

– Ёкъ, балаларым. РАББИнинъ халкъы айткъан ве мен эшиткен лафлар яхшы дегиль.